درندہ صفت سفاک دہشت گردوں کے ہاتھوں پاکستان نیوی کے سابق ملازم محمد سلیم کے بے رحمانہ قتل پر رابطہ کمیٹی کا اظہار مذمت

کراچی۔۔۔29نومبر2013

متحدہ قومی موومنٹ کی رابطہ کمیٹی نے درندہ صفت دہشت گردوں کی جانب سے پاکستان نیوی کے سابق ملازم محمد سلیم کے اغواء کے بعدبے رحمانہ قتل کی شدید الفاظ میں مذمت کی ہے اورمطالبہ کیاہے کہ قتل کے معاملے کی غیر جانبدار تحقیقات کروا کر ذمہ دارعناصرکے خلاف سخت ترین کارروائی کی جائے۔ ایک بیان میں رابطہ کمیٹی نے محمد سلیم کے سفاکانہ قتل کی شدید الفاظ میں مذمت کرتے ہوئے مقتول کے سوگوارلواحقین سے دلی تعزیت وہمدردی کا اظہار کیا اور دعاکی کہ اللہ تعالیٰ محمدسلیم کوجنت الفردوس میں اعلیٰ مقام عطافرمائے اورسوگوارلواحقین کوصبرجمیل عطاکرے۔رابطہ کمیٹی نے گورنرسندھ ڈاکٹرعشرت العباد،وزیراعلیٰ سندھ سیدقائم علی شاہ سے مطالبہ کیاکہ پاکستان نیوی کے سابق ملازم محمدسلیم کے بے رحمانہ قتل کاسختی سے نوٹس لیاجائے اورقتل کی واردات میں ملوث درندہ صفت دہشت گردوں کوگرفتارکرکے عبرتناک سزادی جائے۔