رابطہ کمیٹی کے ارکان یوسف شاہوانی اوررشیدگوڈیل کی کراچی پریس کلب کے باہربلوچستان لاپتہ افرادکے اہلخانہ سے ملاقات
اہلخانہ کوقائدتحریک الطاف حسین کاپیغام پہنچایااورایم کیوایم کی جانب سے ہرممکن تعاون کی یقین دہانی کرائی
الطاف حسین کے شکرگزارہیں کہ انہوں نے بلوچستان میں لاپتہ افرادکی بازیابی کیلئے آوازبلندکی،ماماقدیربلوچ
کراچی :۔۔۔28، نومبر2013ء
متحدہ قومی موومنٹ کی رابطہ کمیٹی کے ارکان یوسف شاہوانی ، رشید گوڈیل نے ایم کیو ایم بلوچستان کمیٹی کے انچارج عبدالخالق بلوچ نے کراچی پریس کلب کے باہرکیمپ میں بلوچستان مسنگ پرسن کمیٹی کے چیئرمین ماماقدیربلوچ اورلاپتہ افرادکے پریشان حال اہلخانہ سے ملاقات کی اورقائدتحریک الطاف حسین کی جانب سے ان سے دلی ہمدردی کا اظہارکرتے ہوئے انہیں جناب الطاف حسین کاخصوصی پیغام پہنچایااورلاپتہ افرادکی بازیابی کیلئے ایم کیوایم کی جانب سے ہرممکن تعاون کایقین دلایا۔ایم کیوایم کی رابطہ کمیٹی کے ارکان نے کہاکہ مسنگ پرسن کادکھ کیاہوتاہے وہ ایم کیوایم اچھی طرح سمجھتی ہے کیونکہ ایم کیوایم کے 28کارکنان92ء کے فوجی آپریشن کے دوران گرفتاری کے بعدلاپتہ کردیئے گئے اورآج بھی 10سے زائدکارکنان لاپتہ ہیں جن کی بازیابی کیلئے کہیں کوئی سنوائی نہیں کی جارہی۔اس موقع پرمسنگ پرسن کمیٹی کے چیئرمین ماماقدیربلوچ نے بلوچستان کے لاپتہ افرادکی بازیابی کیلئے آوازاحتجاج بلندکرنے پرایم کیوایم کے قائدجناب الطاف حسین کاشکریہ اداکیااور بلوچستان کے مسنگ پرسن افرادسمیت کراچی میں ایم کیوایم کے لاپتہ کارکنان کے جلدخیروآفیت بازیابی کیلئے دعاکی۔