ساؤتھ افریقہ کے خلاف پاکستانی ٹیم کو سیریز جیتنے پر پاکستانی قوم اور ٹیم کو جناب الطاف حسین کی مبارکباد

لندن۔۔۔27نومبر2013ء

متحدہ قومی موومنٹ کے قائد جناب الطاف حسین نے ساؤتھ افریقہ کے خلاف پاکستانی ٹیم کو سیریز جیتنے پر پاکستانی قوم اور ٹیم کو مبارکباد پیش کی ہے۔ ایک بیان میں جناب الطاف حسین نے کہاکہ پاکستانی ٹیم نے جس طرح محنت و لگن کے ساتھ کھیل کا مظاہرہ کیا ہے اور سیریز کو جیتی ہے یہ ٹیم ورک کا نتیجہ ہے جس نے پاکستانی قوم کا سر فخر سے بلند کر دیا ہے۔ انہوں نے شاندار کامیابی پر پاکستانی کرکٹ ٹیم کے مینیجر ، کوچ اور ٹیم کے کپتان سمیت تمام کھلاڑیوں کو دلی مبارکباد پیش کی ہے۔ انہوں نے امید ظاہر کی ہے کہ پاکستانی ٹیم جیت کا سلسلہ اسطرح جاری رکھتے ہوئے پاکستان کا نام روشن کریگی۔