پاکستان ٹیلی ویژین کی گولڈن جوبلی کے موقع پر جناب الطاف حسین کا تہنیتی پیغام
لندن۔۔۔27نومبر2013ء
متحدہ قومی موومنٹ کے قائد جناب الطاف حسین نے پاکستان ٹیلی ویژن کی گولڈن جوبلی پر دلی مبارکباد پیش کی ہے۔ پاکستان ٹیلی ویژن کی گولڈن جوبلی کے موقع پر اپنے تہنیتی پیغام میں انہوں نے کہا کہ پاکستان ٹیلی ویژن ایک قومی نشریاتی ادارہ ہے جس نے قومی یکجہتی اور اخلاقی اقدار کے مطابق پروگرام نشر کیا۔انہوں نے کہاکہ جہاں معاشرے سے برائیوں کی نشاندہی کرنے اور ان کے خاتمے کیلئے پاکستان ٹیلی ویژن کا عمل و کردار نمایاں رہاہے وہاں پی ٹی وی نے بیش بہا نامور ڈرامہ نگار،رائٹرز ،فنکار ، پروڈیوسر اور گلوکاروں کو متعارف کرایا جنہوں نے ملک و بیرون ملک پاکستان کا نام روشن کیا ۔ پاکستان ٹیلیویژن کے 50ویں سالگرہ کے موقع پر پی ٹی وی کے ایم ڈی ، پروڈیوسرز، فنکار، گلوکاروں ، انجینئرز ، ٹیکنیشن سمیت ادارے سے وابستہ تمام افراد زبردست خراج تحسین کے مستحق ہیں۔