پاکستان ہاکی فیڈریشن کے انتخابات میں بلامقابلہ نومنتخب ہونیوالے تمام عہدیداران کوایم کیوایم کی رابطہ کمیٹی کی مبارکباد
امید ہے کہ تمام عہدیداران میرٹ کو بنیاد بنا کر ہاکی میں پاکستان کا کھویا ہوامقام واپس لائینگے
کلب کی سطح پر زیادہ سے زیادہ ہاکی ٹورنامنٹ منعقد کرکے نچلی سطح تک متعارف کرائینگے او رمحنتی اور باصلاحیت کھلاڑی آگے لائینگے
کراچی:۔۔۔۔27؍نومبر2013ء
متحدہ قومی موومنٹ کی رابطہ کمیٹی نے پاکستان ہاکی فیڈریشن کی باڈی کے انتخابات میں بلامقابلہ کامیاب ہونیوالے تمام نومنتخب عہدیداران کو دل کی گہرائیوں سے مبارکباد کی ہے۔ ایک تہنیتی بیان میں نے رابطہ کمیٹی نے پاکستان ہاکی فیڈریشن کی باڈی کے نومنتخب صدر اولمپئن چوہدری اختررسول،سیکریٹری اولمپئن رانا مجاہد سمیت تمام نومنتخب عہدیداران نائب صدر(سندھ) واسع جلیل، نائب صدر (خیبر پختونخوا) سعید خان، ویمن نائب صدر(بلوچستان) ثریا علاؤ الدین، ایسوسی ایٹ سیکریٹری انجم سعید اور فنانس سیکریٹری شاہد علی خان کوان کی کامیابی پر دل کی گہرائیوں سے مبارکباد پیش کی اور امیدظاہرکی کہ تمام نومنتخب عہدیداران بلاتفریق رنگ ونسل مذہب وزبان میرٹ کو بنیاد بنا کر ہاکی میں پاکستان کا کھویا ہوا مقام دلانے میں اہم کردار ادا کرینگے اور کلبزاور ڈسٹرکٹ کی سطح پر زیادہ سے زیادہ ہاکی ٹورنامنٹ منعقد کروا کر پاکستان میں ہاکی کونچلی سطح تک متعارف کرائینگے اورمحنتی اور باصلاحیت کھلاڑیوں کوآگے لائیں گے۔