خواتین کسی بھی معاشرے کااہم جزہیں خواتین کوتحفظ دیکرخودمختارمعاشرہ تشکیل دیاجاسکتاہے،الطاف حسین

لندن:۔۔۔25، نومبر2013ء 

متحدہ قومی موومنٹ کے قائدجناب الطاف حسین نے کہاہے کہ خواتین کسی بھی معاشرے کااہم جزہیں خواتین کوتحفظ دیکرخودمختارمعاشرہ تشکیل دیاجاسکتاہے ۔خواتین پرتشدد کے خاتمے کے عالمی دن کے موقع پراپنے خصوصی بیان میں جناب الطاف حسین نے کہاکہ ایم کیوایم واحدجماعت ہے جس نے روزاول سے خواتین پر ہونیوالے تشددکے خلاف صدائے احتجاج بلندکی اورانہیں معاشرے میں مکمل تحفظ فراہم کرنے کیلئے قومی اسمبلی سے ’’ تحفظ نسواں‘‘کابل پاس کروایا ضرورت اس بات کی ہے کہ اس قانون پر من وعن عمل کیاجائے اورخواتین کے ساتھ نارواسلوک کرنیوالے افرادکوقرارواقعی سزادی جائے۔انہوں نے کہاکہ ہمارے معاشرے میںآج خواتین کے ساتھ سلوک برتا جارہاہے وہ نہ صرف قابل مذمت بلکہ انتہائی افسوسناک ہے،ملک میں خواتین کوونی،کاروکاری اوروٹے سٹے جیسی ظالمانہ رسومات کی بھینٹ چڑھاکربیدردی سے قتل کردیا جاتاہے،خواتین پرتیزاب پھکنے اورانہیں بہیمانہ تشددکانشانہ بنانے کے واقعات روزکامعمول بن چکے ہیں جس نے دورجہالت کی یادتازہ کررکھی ہے۔انہوں نے مزید کہاکہ دین اسلام میں خواتین کومکمل تحفظ فراہم کیاگیااوران کے احترام کادرس دیاگیاہے،خواتین پر ہونیوالے تشددکے واقعات کی روک تھام کرکے ہی معاشرے میں سدھارلایاجاسکتاہے اور صحیح معنوں میں ایک اسلامی معاشرہ تشکیل دیا جاسکتاہے۔جناب الطاف حسین نے کہاکہ میں نے خواتین کوبرابری کے حقوق دلانے اورانہیں جان و مال کا تحفظ فراہم کیلئے جس عملی جدوجہد کاآغازکیاتھامجھے خوشی ہے کہ آج خواتین اسی جدوجہدکاحصہ بن کر مردوں کے شانہ بشانہ اپنے اوپر ہونیوالے مظالم کاڈٹ کرمقابلہ کررہی ہیں۔جناب الطاف حسین نے حکومت سے مطالبہ کیاکہ خواتین کوتحفظ فراہم کرنے کیلئے قانون پرعملدارآمدکیاجائے ورخواتین پرتشددکے واقعات کے مکمل خاتمے کیلئے ٹھوس بنیادوں پر اقدامات بروئے کارلائے جائیں۔