سانحہ انچولی پر یوم سوگ کے سلسلے میں ایم کیوایم انٹرنیشنل سیکریٹریٹ لندن میں فاتحہ خوانی فاتحہ خوانی میں ایم کیوایم کی رابطہ کمیٹی کے ارکان، حق پرست ارکان قومی وصوبائی اسمبلی اورانٹرنیشنل سیکریٹریٹ کے ارکان کی شرکت

لندن ۔۔۔23 نومبر2013ء

سانحہ انچولی پر ایم کیوایم کے زیراہتمام منائے جانے والے یوم سوگ کے سلسلے میںآج ایم کیوایم انٹرنیشنل سیکریٹریٹ لندن میں گزشتہ روز انچولی میں ہونے والے بم دھماکوں کے شہداء کیلئے فاتحہ خوانی کی گئی ۔ فاتحہ خوانی میں ایم کیوایم کی رابطہ کمیٹی کے ڈپٹی کنوینرندیم نصرت، رابطہ کمیٹی کے ارکان محمدانور، سیدطارق میر، طارق جاوید،محمداشفاق ،مصطفےٰ عزیزآبادی،قاسم علی رضا، کیف الوریٰ،رکن قومی اسمبلی ریحان ہاشمی ، رکن سندھ اسمبلی ہیرسوہو اورانٹرنیشنل سیکریٹریٹ کے ارکان نے شرکت کی۔ اس موقع پر سانحہ انچولی اورسانحہ راولپنڈی کے شہداء سمیت دہشت گردی کے دیگرواقعات میں شہیدہونے والے پاکستانیوں کے لئے فاتحہ خوانی کی گئی اورشہداء کوخراج عقیدت پیش کیاگیااور پاکستان کی سلامتی ،بقاء اورامن واستحکام کے لئے دعائیں کی گئیں۔