سانحہ انچولی میں متعددمعصوم وبے گناہ افرادکی شہادت پرآج بروزہفتہ کراچی سمیت ملک بھرمیں ایم کیوایم کی جانب سے پرامن یوم سوگ منانے کااعلان
یوم سوگ کے موقع پر ٹرانسپورٹ اور کاروبا ری سرگرمیاں جاری ر کھیں اورتعلیمی ادارے بھی کھلے رکھیں ۔رابطہ کمیٹی کی اپیل
عوام پرامن طورپریوم سوگ منائیں، اپنے اپنے علاقوں میں شہداء کے ایصال ثواب کیلئے قرآن خوانی اورفاتحہ خوانی کے اجتماعات منعقد کریں،بازؤں پرسیاہ پٹیاں باندھیں،سیاہ پرچم لہرائیں اورشہداء کوخراج عقیدت پیش کریں
دہشت گردی کے واقعات اورکشیدہ حالات کے باعث کاروباراورطلبہ کاتعلیمی نقصان پہلے ہی بہت ہوچکاہے
عوام پرامن رہ کرسانحہ کے شہیدوں کاسوگ منائیں اوراپنی صفوں میں اتحاد برقراررکھیں
کراچی۔۔۔ 22 نومبر2013ء
متحدہ قومی موومنٹ کی رابطہ کمیٹی نے کراچی میں انچولی بم دھماکوں کے سانحہ میں متعددمعصوم وبے گناہ افرادکی شہادت پرآج بروزہفتہ کراچی سمیت ملک بھرمیں پرامن یوم سوگ منانے کااعلان کیاہے۔رابطہ کمیٹی نے کہاکہ انچولی کاواقعہ ایک بڑاسانحہ ہے لہٰذا ہم عوام سے اپیل کرتے ہیں کہ وہ اس سانحہ پر پرامن طورپریوم سوگ منائیں، کارکنان وعوام اپنے اپنے علاقوں میں شہداء کے ایصال ثواب کیلئے قرآن خوانی اورفاتحہ خوانی کے اجتماعات منعقد کریں،بازؤں پرسیاہ پٹیاں باندھیں ،سیاہ پرچم لہرائیں اورشہداء کوخراج عقیدت پیش کریں۔ رابطہ کمیٹی نے اپنے بیان میں واضح الفاظ میں کہاکہ چونکہ دہشت گردی کے واقعات اورکشیدہ حالات کے باعث کاروبار اورطلبہ کاتعلیمی نقصان پہلے ہی بہت ہوچکاہے لہٰذا ہماری اپیل ہے کہ یوم سوگ کے موقع پر دکانیں ٹرانسپورٹ اور کاروبا ری سرگرمیاں جاری ر کھیں اورتعلیمی ادارے بھی کھلے رکھیں ۔رابطہ کمیٹی نے عوام تاجروں، صنعتکاروں اورتمام شعبہ ء زندگی سے تعلق رکھنے والے تمام عوام سے اپیل کی ہے کہ وہ پرامن رہ کرسانحہ کے شہیدوں کاسوگ منائیں اوراپنی صفوں میں اتحاد برقراررکھیں۔