سانحہ انچولی پر یوم سوگ مکمل طورپر پرامن رکھا جائے، دکانیں، ٹرانسپورٹ اورتعلیمی ادارے کھلے رکھے جائیں۔الطاف حسین
طلبہ کاپہلے ہی بہت تعلیمی نقصان ہوچکاہے لہٰذاتعلیمی سرگرمیاں جاری رکھی جائیں
عوام سانحہ انچولی کے سوگ میں سیاہ پرچم لہرائیں اور سانحہ کے شہداء کے لئے قرآن خوانی کریں
لندن ۔۔۔22 نومبر2013ء
ایم کیوایم کے قائدالطاف حسین نے عوام سے اپیل کی ہے کہ سانحہ انچولی پر یوم سوگ مکمل طورپر پرامن رکھا جائے، دکانیں، ٹرانسپورٹ اورتعلیمی ادارے کھلے رکھے جائیں۔انہوں نے کہاکہ طلبہ کاپہلے ہی بہت تعلیمی نقصان ہوچکاہے لہٰذاتعلیمی سرگرمیاں جاری رکھی جائیں ۔ انہوں نے عوام سے اپیل کی کہ وہ سانحہ انچولی کے سوگ میں سیاہ پرچم لہرائیں اور سانحہ کے شہداء کے لئے قرآن خوانی کریں ۔