ایم کیوایم کے تحت کراچی کے مقامی ہوٹل میں ’’امن یکجہتی‘‘ پروگرام میں منظور کی جانے والی قرارداد

مورخہ:۔۔21؍ نومبر2013ء

متحدہ قومی موومنٹ کے زیر اہتمام فرقہ وارانہ ہم آہنگی کو برقرار رکھنے اور بھائی چارگی کے فروغ لئے کراچی کے مقامی ہوٹل میں ’’امن یکجہتی‘‘ کے عنوان سے پروگرام کا انعقاد کیا گیا جس میں قرار داد بھی پیش کی گئی جس کی حاضر ین محفل نے مکمل تائید کرتے ہوئے منظور کر لی جو مندرجہ ذیل ہے۔ 

۔۔۔آج کا یہ ایوان جو ملک کے تمام شعبہ ہائے زندگی کی نمائندگی کر تاہے اور پاکستان کی بقا ء وسلامتی کو لاحق خطرات کو سامنے رکھتے ہوئے اور بقاء سلامتی کی ضمانت کے طو ر پر امن ویکجہتی کی ضرورت پر زور دیتے ہوئے یہ طے کرتا ہے کہ ہم وطن عزیز پاکستان میں موجود ہر قسم کی تقسیم اور دہشت گردی کو مسترد کرتے ہوئے ، تما م تر تفرقات سے بالا تر ہوکر ارض پاک میں آباد تمام مذہبی، مسلکی، لسانی، علاقائی وصوبائی اکائیوں کو صرف اور صرف پاکستانی‘‘ تصور کرتے ہیں اور سمجھتے ہیں کہ بانی پاکستان قائد اعظم محمد علی جناح کے افکار اور خصوصاً 11اگست 1947ء کی یاد گار تقریر کو ریاست کی روح قرا ر دیتے ہوئے اپنے طر ز معاشرت و آئین پاکستان و قانون مروجہ میں سموتے ہوئے ایک روشن وتابناک ، مذہب و معتدل او رترقی یافتہ پاکستان کی بنیاد رکھ سکتے ہیں ‘‘