گجرات میں یونیورسٹی کے ڈائریکٹر پروفیسر سید شبیر حسین شاہ اور ان کے ڈرائیور کے بہیمانہ قتل پر ایم کیوایم کے قائد الطاف حسین کا اظہار مذمت
اساتذہ طلبہ کو علم کی روشنی سے منور کرتے ہیں، ان کو دہشت گردی کا نشانہ بنانے کا مطلب علم کو آگ لگانے کے مترادف ہے۔ الطاف حسین
تمام مکاتب فکر کے علمائے کرام اور مشائخ خدارا اپنے اپنے چاہنے والوں کو سمجھائیں کہ وہ کوئی ایسا عمل نہ کریں جس سے ملک میں فساد کی آگ بھڑکانے کی سازشیں کرنے والوں کی سازشیں کامیاب ہوسکیں
سید شبیر حسین شاہ اور انکے ڈرائیور کے اہل خانہ اور یونیورسٹی کے طلبہ سے الطاف حسین کا اظہار تعزیت
لندن ۔۔۔16 نومبر2013ء
متحدہ قومی موومنٹ کے قائدجناب الطا ف حسین نے گجرات میںیونیورسٹی کے ڈائریکٹرپروفیسرسیدشبیرحسین شاہ اوران کے ڈرائیور کے بہیمانہ قتل کی شدید الفاظ میں مذمت کی ہے اوران کے اہل خانہ اورطلبہ سے دلی تعزیت کا اظہار کیا ہے۔ اپنے ایک بیان میں جناب الطاف حسین نے کہا کہ اساتذہ طلبہ کوعلم کی روشنی سے منورکرتے ہیں اور ان کودہشت گردی کانشانہ بنا نے کامطلب علم کو آگ لگانے کے مترادف ہے۔ جناب الطا ف حسین نے تمام مکاتب فکرکے علمائے کرام اورمشائخ سے دردمندانہ اپیل کی کہ وہ خدارا اپنے اپنے چاہنے والوں کو سمجھائیں کہ وہ یہ غیراسلامی عمل کرکے نہ تواس گناہ کبیرہ کے مرتکب ہوں اورنہ ہی کوئی ایساعمل کریں جس سے ملک میں فساد کی آگ بھڑکانے کی سازشیں کرنے والوں کی سازشیں کامیاب ہوسکیں۔ جناب الطاف حسین نے تمام مکاتب فکرکے عوام سے ایک مرتبہ پھراپیل کی کہ وہ صبر و برداشت اور تحمل کامظاہرہ کریں اورامن برقراررکھیں۔ انہوں نے سیدشبیر حسین شاہ اوران کے ڈرائیور کے اہل خانہ اور یونیورسٹی کے طلبہ سے دلی ہمدردی اورتعزیت کا اظہار کیا۔