ایم کیوایم آسٹریلیاکے تحت ڈاکٹرعمران فاروق شہید کی 13 ویں برسی
انتہائی عقیدت واحترم سے منائی گئی
شہید انقلاب کے ایصال ثواب کیلئے قرآن خوانی وفاتحہ خوانی کی گئی
میلبرن ۔۔۔16، ستمبر2023ئ
ایم کیوایم آسٹریلیا یونٹ کے تحت ایم کیوایم کے کنوینر شہید انقلاب ڈاکٹر عمران فاروق کی 13 ویں برسی انتہائی عقیدت واحترام سے منائی گئی ۔ اس سلسلے میں ملیبرن میں تعزیتی اجتماع منعقد کیاگیا جس میں ایم کیوایم آسٹریلیا کے ذمہ داران ، کارکنان اور ہمدردوںنے بڑی تعداد میں شرکت کی ۔ اس موقع پر شہید انقلاب ڈاکٹر عمران فاروق کے ایصال ثواب کیلئے قرآن خوانی وفاتحہ خوانی کی گئی اورشہیدانقلاب کوزبردست خراج عقیدت پیش کیا گیا۔بعدازاں اجتماعی دعا کی گئی جس میں شہید انقلاب ڈاکٹر عمران فاروق ، ایم کیوایم کے بانی وقائد جنا ب الطاف حسین کے بڑے بھائی ناصر حسین شہید اور بھتیجے عارف حسین شہید سمیت تحریک کے تمام شہداء کے بلند درجات ، شہداء کی مغفرت ، شہداء کے لواحقین کیلئے صبر جمیل اورملک بھرکے مظلوموںکے حقوق کیلئے ایم کیوایم کی جدوجہد کی کامیابی کے علاوہ بانی وقائد جناب الطاف حسین کی صحت وتندرستی اوردرازی عمر کیلئے خصوصی دعائیں کی گئیں۔
٭٭٭٭٭