وفاقی وزیر داخلہ چوہدری نثار علی خان کا ایم کیوایم کی رابطہ کمیٹی کی رکن سینیٹر نسرین جلیل سے رابطہ
سانحہ راولپنڈی اور اس کے حوالے سے پورے ملک میں درپیش صورتحال پر گفتگو
ایم کیوایم فرقہ وارانہ ہم آہنگی قائم رکھنے کیلئے جو کوششیں کررہی ہے وہ قابل تحسین ہیں، چوہدری نثار علی
چوہدری نثار کا قائد ایم کیوایم الطاف حسین کی جانب سے اتحاد بین المسلمین اور اتحاد بین المذاہب کے لیے بیانات کا خیرمقدم
کراچی ۔۔۔16، نومبر2013ء
وفاقی وزیرداخلہ چوہدری نثار علی خان نے ہفتہ کی شب متحدہ قومی موومنٹ کی رابطہ کمیٹی کی رکن سینیٹر نسرین جلیل سے رابطہ کرکے سانحہ راولپنڈی اور اس کے حوالے سے پورے ملک میں درپیش صورتحال پرگفتگو کی ۔
چوہدری نثارعلی خان نے کہا کہ اس واقعہ کے تناظر میں ایم کیوایم فرقہ وارانہ ہم آہنگی قائم رکھنے کیلئے جو کوششیں کررہی ہے وہ قابل تحسین ہیں ۔ انہوں نے اس ضمن میں قائد تحریک جناب الطاف حسین کی جانب سے اتحاد بین المسلمین اور اتحاد بین المذاہب کے قیام کیلئے دیئے جانے والے بیانات کا بھی خیرمقدم کیا۔