راولپنڈی میں فائرنگ سے سات افرادکی ہلاکت اوردرجنوں افرادکے زخمی ہونے کے واقعہ پرایم کیوایم کے قائدالطاف حسین کا اظہارافسوس

لندن ۔۔۔ 15 نومبر2013ء

متحدہ قومی موومنٹ کے قائدجناب الطاف حسین نے راولپنڈی میں فائرنگ سے سات افرادکی ہلاکت اوردرجنوں افرادکے زخمی ہونے کے واقعہ پر گہرے افسوس کااظہارکرتے ہوئے وفاقی اورپنجاب حکومت سے مطالبہ کیاہے کہ صورتحال کوکنٹرول کرنے کیلئے ہر ممکنہ اقدامات کئے جائیں اور اس واقعہ کے ذمہ داروں کے خلاف سخت کارروائی کی جائے ۔ اپنے ایک بیان میں جناب الطاف حسین نے کہاکہ محرم الحرام کے موقع پر حکومت اورسیکوریٹی فورسزکی جانب سے سخت حفاظتی انتظامات کے باعث شرپسندوں کوکسی بڑی کارروائی کا موقع نہ مل سکا تاہم بعض عناصرنے پنڈی میں فائرنگ اورہنگامہ آرائی کرکے محرم الحرام کے تقدس کوپامال کرنے کی کوشش کی ہے جس کی جتنی بھی کی جائے کم ہے ۔ جناب الطا ف حسین نے حکومت پنجاب سے مطالبہ کیاکہ وہ اس افسوسناک واقعہ کی فوری تحقیقات کروائے اوراس میں ملوث عناصر کے خلاف سخت کارروائی کرے۔جناب الطاف حسین نے تمام مکاتب فکرسے تعلق رکھنے والے عوام بالخصوص شیعہ اورسنی عوام سے اپیل کی کہ وہ ہرگزمشتعل نہ ہوں اورپرامن رہ کرفرقہ وارانہ فسادات کی سازش کوناکام بنادیں اورآپس متحد رہیں اورفرقہ وارانہ ہم آہنگی برقراررکھیں۔