کراچی نشتر پارک سے عاشورہ پر برآمد ہونے والے مرکزی ماتمی اور عزاداران حسین کے جلوس میں رابطہ کمیٹی اور حق پرست ارکان اسمبلی کی شرکت

کراچی ۔۔۔15، نومبر2013ء 

یوم عاشور کے موقع پر کراچی کے ایم اے جناح روڈپر واقع نشتر پارک سے برآمد ہونے والے مرکزی ماتمی اور عزاداران حسینؓ کے جلوس میں ایم کیوایم کی رابطہ کمیٹی کے رکن سید امین الحق ، قومی اسمبلی میں ایم کیوایم کے پارلیمانی لیڈر ڈاکٹر محمد فاروق ستار ،سیف یار خان ، گلفراز خان خٹک ،حق پرست رکن قومی اسمبلی رشیدگوڈیل، حق پرست ارکان سندھ اسمبلی سلیم عبد الرزاق بھائی ،محمد دلاور اور ایم کیوایم علماء کمیٹی کے اراکین نے شرکت کی۔ مرکزی ماتمی جلوس کی گزرگاہ سمیت شہر بھر سے نکلنے والے عزداران حسینؓ کے جلوسوں کی گزرگاہوں پر ایم کیوایم کے فلاحی ادارے خدمت خلق فاؤنڈیشن کی جانب سے طبی کیمپس لگائے گئے جہاں زخمی عزاداران حسینؓ کو طبی امداد فراہم کی گئیں اس موقع پر خدمت خلق فاؤنڈیشن کی موبائل ایمبولینس سروس بھی جلوس کے ساتھ ساتھ رہیں جبکہ ایم کیوایم کے مختلف سیکٹرزکی جانب سے مرکزی ماتمی جلوس سمیت دیگر جلوسوں کی گزرگاہوں پر شربت اور پانی کی سبیلیں لگائی گئیں اور عزاداران حسینؓ میں لنگر تقسیم کیا گیا۔ ایم کیوایم کی رابطہ کمیٹی اور حق پرست ارکان اسمبلی نے جلوس میں شریک علمائے کرام اور ماتمی انجمنوں کے عہدیداران سے ملاقاتیں کیں اورجلوس کی گزر گاہوں پر سیکورٹی اور دیگر انتظامات کا جائزہ لیا ۔رابطہ کمیٹی نے جلوس کی گزر گا ہ پر ایم کیوایم اور خدمت خلق فاؤندیشن کی جانب سے کئے گئے انتظامات کی تفصیلات سے ماتمی جلوس میں شریک علمائے کرام اور شیعہ انجمنوں کے عہدیداران کو آگاہ کیا جس پر علمائے کرام اور شیعہ انجمنوں کے عہدیداران نے ہر سال کی طرح اس مرتبہ بھی ایم کیوایم کی جانب سے جلوسوں میں طبی کیمپ لگانے ، شربت اور پانی کی سبیلوں کے قیام اور امن و امان سمیت فرقہ وارانہ ہم آہنگی کے فروغ کیلئے عملی کردارکو سراہا اور قائد تحریک جناب الطاف حسین کو زبردست خراج تحسین پیش کیا ۔ رابطہ کمیٹی نے جلوس کی گزر گاہ پر لگائے گئے خدمت خلق فاؤنڈیشن کے طبی کیمپ کا دورہ کیا اور یہاں زخمی عزاداران حسین کوفراہم کی جانیوالی طبی سہولیات کا معائنہ کیا جبکہ شربت اور پانی کی سبیلوں پر جاکر عزداران حسینؓ میں شربت بھی تقسیم کیا ۔ اس موقع طبی کیمپوں میں موجود شدیدزخمی عزاداران حسین کوکے کے ایف کی ایمبولینسیں قریبی اسپتال منتقل کرنے کے فرائض انجام دیتی رہیں ۔