تمام مسالک سے تعلق رکھنے والے عوام امن وامان اورفرقہ وارانہ ہم آہنگی برقراررکھنے کیلئے صبروبرداشت کی فضاء کوفروغ دیں اورآپس میں اتحاویکجہتی کامظاہرہ کریں۔الطاف حسین کی اپیل
امن دشمن دہشت گردعناصر اپنے مذموم مقاصدکیلئے عبادتگاہوں اورمعصوم شہریوں کواپنی دہشت گردی کانشانہ بنارہے ہیں
عوام امن واستحکام کیلئے پولیس وقانون نافذ کرنے والے اداروں کے ساتھ بھرپورتعاون کریں۔الطاف حسین
عوام دہشت گردوں اورامن دشمن عناصر پر نظررکھیں اورمشکوک افراد کو دیکھ کرفوری طورپرپولیس اورقانون نافذ کرنے والے اداروں کواطلاع دیں
لندن۔۔۔14 نومبر2013ء
متحدہ قومی موومنٹ کے قائدجناب الطاف حسین نے تمام فقہوں اورمسالک سے تعلق رکھنے والے عوام سے پرذوراپیل کی ہے کہ وہ محرم الحرا م کے موقع پر امن وامان اورفرقہ وارانہ ہم آہنگی برقراررکھنے کیلئے صبروبرداشت اورباہمی احترام کی فضاء کوفروغ دیں اورآپس میں اتحاویکجہتی کامظاہرہ کریں۔ اپنے ایک بیان میں جناب الطاف حسین نے کہاکہ امن دشمن دہشت گردعناصر اپنے مذموم مقاصدکیلئے عبادتگاہوں اورمعصوم شہریوں کواپنی دہشت گردی کانشانہ بنارہے ہیں ۔انہوں نے عوام سے اپیل کی کہ وہ امن واستحکام کیلئے پولیس وقانون نافذ کرنے والے اداروں کے ساتھ بھرپورتعاون کریں ، دہشت گردوں اورامن دشمن عناصر پر نظررکھیں اورمشکوک افراد کو دیکھ کرفوری طورپرپولیس اورقانون نافذ کرنے والے اداروں کواطلاع دیں۔