جس تنظیم کے ذمہ داران وکارکنان آخری سانس تک حق پرستی کی جدوجہد میں اپنے قائد کے فکر و فلسفہ پر عمل پیرا رہتے ہوئے اپنی جانوں تک کی قربانی دینے سے بھی گریز نہیں کرتے ایسی تنظیم ایک نہ ایک روز اپنی منزل مقصود پر لازمی پہنچتی ہے ،انجینئر ناصر جمال

کراچی ۔۔۔12، نومبر2013ء 

متحدہ قومی موومنٹ پنجابی سرائیکی آرگنائزنگ کمیٹی کے تحت خورشید بیگم سیکر یٹر یٹ عزیز آباد میں تربیتی نشست منعقد کی گئی جس سے ایم کیوایم کی رابطہ کمیٹی کے ڈپٹی کنوینر انجینئر ناصر جمال نے خطاب کیا ۔ اس موقع پر رکن رابطہ کمیٹی اسلم آفریدی پی ایس او سی کے انچارج خالد اعوان ، جوائنٹ انچارجز رعناشریف علی ، نعمان سہگل ، نادر دشتی ،ارکین اور کارکنان موجود تھے ۔ ناصر جمال نے اپنے خطاب میں کہا کہ ایم کیوایم پہلے نظریاتی اور انقلابی تحریک ہے بعد میں سیاسی جماعت ہے لہٰذا الیکشن میں حصہ لینا ایم کیوایم کی مجبوری ضرور ہے مگر ضروری نہیں لہٰذا عوام کے مسائل کے حل کیلئے اسے ایوانوں کو سہارا لینا پڑتا ہے یہی وجہ ہے کہ ایم کیوایم ہر انتخابات میں نہ صرف بھر پور حصہ لیتی ہے بلکہ غریب متوسط طبقہ سے تعلق رکھنے والے پڑھے لکھے نوجوانوں کو کئی دہائیوں سے عام انتخابات میں کامیاب کرواکر مختلف ایوانوں میں بھیج چکی ہے جہاں نہ صرف انہوں نے ملک کی ترقی وخوشحالی کیلئے کام کیا بلکہ معشیت کو مستحکم کرنے کیلئے اپنا اہم کردار ادا کیا ہے ۔انہوں نے کہا کہ جن تحریکوں میں مفاد پرست عناصر اپنے عزیزوں اور دوستوں کو کارکنان اور مشکل وقت میں ساتھ دینے والے ہمدردوں پر فوقیت دیتے ہیں اور اپنے مذموم مقاصد کے حصول کیلئے تنظیم سے جڑے رہتے ہیں تو ایسی تحریکیں اپنی منزل تک پہنچنے کے بجائے انتشار کا شکا ر ہوجاتی ہیں لیکن جن انقلابی تنظیموں کے ذمہ داران و کارکنان تحریک کے ہر برے اور کڑے وقت میں نہ صرف ساتھ جڑے رہتے ہیں بلکہ آخری سانس تک حق پرستی کی جدوجہد میں اپنے قائد کے فکر و فلسفہ پر عمل پیرا رہتے ہوئے اپنی جانوں تک کی قربانی دینے سے بھی گریز نہیں کرتے تو ایسی تحریکیں اپنے قائد کی سربراہی میں ایک نہ ایک روز اپنی منزل مقصود پر لازمی پہنچتی ہیں لہٰذا ذمہ داران وکارکنان رواں سال میں ہونے والے بلدیاتی انتخابات میں قائد تحریک جناب الطاف حسین کی ہدایت کے مطابق دوستی ،رشتہ داری ،اور اقرباپروری کے بجائے تنظیم سے مخلص اور کٹھن ، کڑے وقت میں ساتھ دینے والے اور میرٹ پر مکمل اترنے والے کارکنان کو کسی صورت نہ بھولیں ۔ انہوں نے ذمہ داران وکارکنان پر زور دیتے ہوئے کہا کہ بلدیاتی انتخابات وقت کم اور مقابلہ سخت ہے لہٰذا کارکنان انتخابات کی بھر پور تیاریوں میں مشغول ہو جائیں او رگھر گھر جاکر جناب الطاف حسین کا پیغام حق پرستی پہنچائیں ۔ انہوں نے کہا کہ حق پرست عوام ماضی کی طرح اپنے اتحاد کے ذریعے موجودہ بلدیاتی انتخابات میں بھی جناب الطاف حسین کے نامزد کردہ امیدوار وں کو بھاری تعداد میں ووٹ دیگر کامیاب کروائیں اور ثابت کر دیں کہ وہ کل بھی ایم کیوایم اور الطاف حسین کے چاہنے والے تھے اور آج بھی ہیں ۔ ناصر جمال نے ذمہ داران وکارکنان پر زور دیا کہ وہ مووجودہ صورتحال پر کڑی نظر رکھیں اور تنظیمی لٹریچر کا تسلسل کے ساتھ مطالہ کر یں ۔