محرم الحرام کے حوالے سے حق پرست رکن سندھ اسمبلی اشفاق منگی کا ملیر کی مختلف امام بارگاہوں کا دورہ ، منتظمین سے ملاقات
کراچی:۔08؍ نومبر 2013ء
حق پرست رکن سندھ اسمبلی اشفاق منگی نے جمعہ کے روز محرم الحرام کے حوالے سے ملیر میں واقع جعفر طیار ، حیدر کرار ، بیت اللہ ، آر سی ڈی گراؤنڈ ، بی ایریا ، حسینی ، سعود آباد و دیگر امام بارگاہوں کا دورہ کیااور امام بارگاہوں کے منتظمین سے ملاقات کرکے انہیں قائد تحریک جناب الطاف حسین کا پیغام پہنچایا اور علاقے میں اسٹریٹ لائٹس ، صفائی ستھرائی و روڈ کارپٹنگ کے کاموں کا جائزہ لیا اور ان پراطمینان کا اظہار کیا۔ بعد ازاں اشفاق منگی نے ملیر کے D-1ایریا کادورہ کیا جہاں عوام نے سیوریج کا کام مکمل ہونے پر قائد تحریک جناب الطاف حسین اور حق پرست نمائندوں کا شکریہ ادا کیا۔ اس موقع پر کراچی مضافاتی آرگنائزنگ کمیٹی کے مرکزی رکن بشیر دروان، ملیر کے ایڈمنسٹریٹر غلام رسول اور ایم کیو ایم کے ذمہ داران بھی ان کے ہمراہ موجود تھے ۔