سوگوار کارکنان سے رابطہ کمیٹی کا اظہار تعزیت

کراچی:۔۔۔8، نومبر2013ء 

متحدہ قومی موومنٹ کی رابطہ کمیٹی نے ایم کیو ایم بلدیہ سیکٹر یونٹ 112-Aکے کارکن الیاس کے والد حسین بخش ، کراچی مضافاتی آرگنائزنگ کمیٹی سیکٹر بن قاسم یونٹ گلشن حدید فیز 1کے کارکن سید فواد علی کی والدہ اور ایم کیو ایم بدین زون کے کارکن محمد خان کی والدہ مسماۃ فاطمہ کے انتقال پر گہرے دکھ اور افسوس کا اظہار کیا ہے ۔ اپنے ایک بیان میں رابطہ کمیٹی نے مرحومین کے تمام سوگوار لواحقین سے دلی تعزیت و ہمدردی کا اظہار کرتے ہوئے دعا کی کہ اللہ تعالیٰ مرحومین کو اپنی جوار رحمت میں جگہ اور سوگوار لواحقین کو صبر جمیل عطا فرمائے ۔ ( آمین )دریں اثناء رابطہ کمیٹی نے ایم کیو ایم اقلیتی امور کمیٹی بن قاسم ٹاؤن یوسی 7کے کارکن شہباز مسیح کے بھائی طارق مسیح کے انتقال پر گہرے دکھ اور افسوس کا اظہار کرتے ہوئے مرحوم کے تمام سوگوار لواحقین سے دلی تعزیت و ہمدردی کا اظہار کیا ۔