قائدجناب الطاف حسین کی ہدایت پر محرم الحرام میں فرقہ وارانہ ہم آہنگی برقرار رکھنے ،بھائی چارگی کے فروغ اور شہر میں قیام امن کیلئے ایم کیوایم کے وفودکی مختلف مکاتب علمائے کرام مشائخ عظام اورمختلف مسالک کی تنظیموں کے عہدیداران سے ملاقاتوں کاسلسلہ جاری

کراچی۔۔۔6؍ نومبر ، 2013

متحدہ قومی موومنٹ کے قائدجناب الطاف حسین کی ہدایت پر محرم الحرام میں فرقہ وارانہ ہم آہنگی برقرار رکھنے ،بھائی چارگی کے فروغ اور شہر میں قیام امن کیلئے ایم کیوایم کی رابطہ کمیٹی کے ارکان،منتخب حق پرست عوامی نمائندوں اورایم کیوایم کے ذمہ داران پرمشتمل وفودکی مختلف مکاتب سے تعلق رکھنے والے علمائے کرام مشائخ عظام ،مذہبی اسکالرز،مفتیان کرام ،نعت وثناء خواں حضرات اور مختلف مسالک کی تنظیموں کے عہدیداران سے ملاقاتوں کاسلسلہ جاری ہے۔اس سلسلے میں گزشتہ روزایم کیوایم کی رابطہ کمیٹی کے ارکان خالدسلطان اورعادل خان کے ہمراہ ایم کیوایم کے وفدنے ممتازعالم دین و مذہبی اسکالرمولاناتنویرالحق تھانوی اورمعروف شیعہ عالم علامہ طالب جوہری سے ملاقات کی اور انہیں محرم الحرام کے موقع پرفرقہ وارانہ ہم آہنگی ،بھائی چارگی اورقیام امن کے حوالے سے قائد تحریک جناب الطاف حسین کا خصوصی پیغام پہنچایا ۔اس موقع پرمولاناتنویرالحق تھانوی اورعلامہ طالب جوہری نے محرم الحرام کے موقع پر فرقہ وارانہ ہم آہنگی کے قیام کیلئے قائد تحریک جناب الطاف حسین اور ایم کیوایم کی عملی کاوشوں کو سراہتے ہوئے قائد تحریک جناب الطاف حسین کی درازی عمر اور صحت و تندرستی کیلئے خصوصی دعا بھی کی ۔ خالدسلطان اورعادل خان کہا کہ قائد تحریک جناب الطاف حسین ملک کو فرقہ واریت سے پاک دیکھنا چاہتے ہیں اور محرم الحرام اور دیگر اسلامی تہواروں کے موقع پر جو عناصر نفرتوں کی دیواریں کھڑی کرکے فرقہ واریت کو ہوا دیتے ہیں وہ دراصل اتحا د بین المسلمین کو نقصان پہچانے کے درپے ہیں۔انہوں نے مولاناتنویرالحق تھانوی اورعلامہ طالب جوہری سمیت تمام مکاتب فکرسے اپیل کی کہ وہ محرم الحرام کے دوران اپنے خطبات میں فرقہ وارانہ ہم آہنگی اور مذہبی رواداری کا درس دیں اور کوئی ایسی بات نہ کریں جس سے سازشی عناصر کو اشتعال انگیزی کا موقع مل سکے ۔ رابطہ کمیٹی کے ارکان نے کہا کہ ایم کیوایم اپوزیشن میں ہوتے ہوئے بھی محرم الحرام کے موقع پر فرقہ وارانہ ہم آہنگی کے قیام کیلئے اپنی کوششوں اورفرائض سے کسی صورت غافل نہیں ۔انہوں نے کہاکہ ایم کیوایم محرم الحرام میں شیعہ علمائے کرام ، شیعہ انجمنوں اور دیگر مسالک کے علمائے کرام کے ساتھ مل کر فرقہ وارانہ ہم آہنگی کے فروغ کیلئے اپنی عملی کوششیں جاری رکھے گی ۔اس موقع پرایم کیوایم کی علماء کمیٹی کے انچارج جاوید احمد اوردیگرذمہ داران بھی موجود تھے ۔