ایم کیوایم اورنگی ٹاؤن سیکٹرکے کارکن منصورعلی کے بہیمانہ قتل پررابطہ کمیٹی کااظہارمذمت

کراچی:۔۔۔4، نومبر2013ء 

متحدہ قومی موومنٹ کی رابطہ کمیٹی نے ایم کیوایم اورنگی ٹاؤن سیکٹریونٹ118-Aکے کارکن منصورعلی ولدمعصوم علی کومسلح دہشت گردوں کی جانب سے فائرنگ کرکے قتل کرنے کی سخت ترین الفاظ میں مذمت کی ہے اورتسلسل کے ساتھ ذمہ داران وکارکنان کے قتل کے واقعات کوایم کیوایم کے خلاف سازش قراردیاہے۔ایک بیان میں رابطہ کمیٹی نے کہاکہ سوچھی سمجھی سازش کے تحت ایم کیوایم کے ذمہ داران وکارکنان کوقتل وغارتگری کانشانہ بنایاجارہاہے اور شہرمیں رینجرزوپولیس کی موجودگی میں حالیہ چندروزکے دوران ایم کیوایم کے متعددذمہ داران و کارکنان دہشت گردی کانشانہ بنائے جاچکے ہیں تاہم قتل وغارتگری میں ملوث ایک بھی دہشت گرد کوگرفتارنہیں کیاجاسکا۔رابطہ کمیٹی نے اورنگی ٹاؤن کے کارکن منصورعلی کے قتل کی مذمت کرتے ہوئے کہاکہ منصورعلی کواسوقت دہشت گردی کانشانہ بنایاگیاجب وہ پیرکے روزمعمول کے مطابق اپنے دفترجارہے تھے۔رابطہ کمیٹی نے کہا کہ ایک جانب شہرمیں جاری ٹارگٹڈ آپریشن کی آڑمیں ایم کیوایم کے ذمہ داران وکارکنان اورہمدردوں کوجھوٹے مقدمات میں گرفتارکیاجارہاہے اورمرضی کے بیانات حاصل کرنے کیلئے دوران حراست انہیں سرکاری ٹارچرسیلوں میں انسانیت سوز تشدد کا نشانہ بناکرماورائے عدالت قتل کیاجارہاہے جبکہ دوسری جانب دہشت گردسرعام قانون نافذکرنیوالے اداروں کے اہلکاروں کی ناک کے نیچے ایم کیو ایم کے ذمہ داران وکارکنان کوقتل وغارتگری کانشانہ بنارہے ہیں اورانہیں پکڑنے والاکوئی نہیں جس کی جتنی بھی مذمت کی جائے کم ہے ۔رابطہ کمیٹی نے شہیدکے سوگوارلواحقین سے دلی تعزیت وہمدردی کااظہارکیااوردعاکی کہ اللہ تعالیٰ منصورعلی شہیدکواپنی جواررحمت میں اعلیٰ مقام عطافرمائے اورسوگواران کو صبر جمیل عطا کرے ۔رابطہ کمیٹی نے صدرپاکستان ممنون حسین،وزیراعظم میاں محمدنوازشریف،وفاقی وزیرداخلہ چوہدری نثارعلی،گورنرسندھ ڈاکٹرعشرت العباداوروزیراعلیٰ سندھ سید قائم علی شاہ سے مطالبہ کیاکہ اورنگی ٹاؤن سیکٹرکے کارکن منصورعلی سمیت ایم کیوایم کے ذمہ داران وکارکنان کے بہیمانہ قتل کاسختی سے نوٹس لیاجائے اورقتل وغارتگری میں ملوث دہشت گردوں کو گرفتار کرکے عبرتناک سزادی جائے۔دریں اثناء منصورعلی شہیدکوسیکڑوں سوگواران کی آہوں اورسسکیوں کے درمیان اورنگی ٹاؤن سیکٹرساڑھے گیارہ کے قبرستان میں سپردخاک کردیاگیا،اس سے قبل شہیدکی نمازجنازہ مین شاہراہ شاہ ولی اللہ نگرپراداکی گئی نمازجنازہ اورتدفین میں ایم کیوایم کی رابطہ کمیٹی کے رکن احمدسلیم صدیقی،حق پرست اراکین اسمبلی محمد حسین،سیف الدین خالد،کراچی تنظیمی کمیٹی کے ارکان،اورنگی ٹاؤن سیکٹرکمیٹی کے ذمہ داران،یونٹ کمیٹیوں کے عہدیداران ،کارکنان،ہمدردوں اورشہیدکے عزیزواقارب نے بڑی تعدادمیں شرکت کی اورشہیدکوان کی تنظیمی خدمات پرخراج تحسین پیش کرتے ہوئے شہیدکی مغفرت،ان کے درجات کی بلندی اورسوگواران کے صبرجمیل کیلئے دعائیں کیں۔