اورنگی ٹاؤن سیکٹرکے کارکن منصورعلی کے بہیمانہ قتل پرالطاف حسین کااظہارمذمت

لندن:۔۔۔4، نومبر2013ء 

متحدہ قومی موومنٹ کے قائدجناب الطاف حسین نے ایم کیوایم اورنگی ٹاؤن سیکٹرکے کارکن منصورعلی کے بہیمانہ قتل کی سخت ترین الفا ظ میں مذمت کی ہے۔ ایک بیان میں جناب الطاف حسین نے منصورعلی کی المناک شہادت کے واقعے پر سوگوارلواحقین سے دلی تعزیت وہمدردی کااظہارکرتے ہوئے انہیں صبرکی تلقین کی اورکہاکہ دکھ اورافسوس کی اس گھڑی میں مجھ سمیت ایم کیوایم کے تمام کارکنان آپ کے غم میں برابرکے شریک ہیں۔جناب الطاف حسین نے دعاکی کہ اللہ تعالیٰ منصورعلی شہیدکواپنی جواررحمت میں اعلیٰ مقام عطا فرمائے اورسوگوارلواحقین کوصبرجمیل عطاکرے۔(آمین)