پاکستان اسٹیل ملز کے ریفرنڈم میں ایم کیوایم کی مزدور یونین یونائیٹڈ ورکرز فرنٹ نے ورکرز لیگ کی حمایت کا اعلان کردیا
ایم کیوایم لیبر ڈویژن کی سربراہی میں خورشید بیگم سیکریٹریٹ میں یونائیٹڈ ورکرز فرنٹ اور ورکرز لیگ کے عہدیداران کے مشترکہ اجلاس میں فیصلہ
حق پرست ملازمین اسٹیل ملز ریفرنڈم میں بھرپور تعداد میں ووٹ دیکر ورکرز لیگ کو کامیاب بنائیں، انچارج و اراکین ایم کیوایم لیبر ڈویژن
کراچی:۔۔۔2، نومبر2013ء
متحدہ قومی موومنٹ لیبرڈویژن کی یونین یونائیٹڈ ورکرز فرنٹ نے پاکستان اسٹیل ملزمیں4،نومبر2013ء کوہونیوالے ریفرنڈم میں ورکرزلیگ کی بھرپورحمایت کااعلان کردیا۔اس بات کا فیصلہ آج لیبرڈویژن کے مرکز خورشید بیگم سیکریٹریٹ عزیزآباد میں انچارج لیبر ڈویژن پاکستان کاظم رضا نے سینٹرل کوآرڈی نیشن کمیٹی، یونائیٹڈ ورکرز فرنٹ کے عہدیداران اور ورکرز لیگ کے عہدیداران کے مشترکہ اجلاس میں کیا۔انچارج لیبر ڈویژن کاظم رضااوراراکین سینٹرل کمیٹی لیبرڈویژن نے اسٹیل ملزکے تمام حق پرست ملازمین سے اپیل کی کہ وہ پاکستان اسٹیل ملز میں بروز پیر4 نومبر 2013ء کوہونیوالے ریفرنڈم میں بھرپور تعداد میں ووٹ دیکر ورکرز لیگ کو کامیاب بنائیں۔