سپریم کورٹ بار ایسوسی ایشن کے سالانہ انتخابات میں کامیاب نو منتخب صدر و عہدیداران کو الطاف حسین کی مبارکباد
لندن:۔۔۔2، نومبر2013ء
متحدہ قومی موومنٹ کے قائدجناب الطاف حسین نے سپریم کورٹ بارایسوسی ایشن کے سالانہ انتخابات میں کامیاب ہونیوالے نومنتخب صدر اور عہدیداران کو دل کی گہرائیوں سے مبارکباد پیش کی ہے اور امید ظاہرکی ہے کہ منتخب عہدیداران وکلاء کودرپیش مسائل کے حل اورملک میں انصاف و قانون کی حکمرانی قائم کرنے کیلئے اپنا کردار ادا کریں گے۔ ایک بیان میں جناب الطاف حسین نے سپریم کورٹ بارایشوسی ایشن کے سالانہ انتخابات میں کامیابی حاصل کرنے والے صدر کامران مرتضیٰ اور دیگرعہدیداران کی کامیابی پر انہیں مبارکباد پیش کی اور کہا کہ نومنتخب عہدیداران وکلاء برادری کو درپیش مسائل کے حل اورقانون کی بالادستی کیلئے بلاامتیاز رنگ ونسل اپنا کردار ادا کریں گے۔