دیوالی کے موقع پر جناب الطاف حسین کی جانب سے ہندو خواتین میں راشن، مہندی، چوڑیاں، چراغ اور دیگر اشیاء تقسیم کی گئی

کراچی : ۔۔۔31، اکتوبر2013ء 

متحدہ قومی موومنٹ کے قائدجناب الطاف حسین کی ہدایت پردیوالی کے پرمسرت موقع پرخدمت خلق فاؤنڈیشن کی جانب سے ایم کیو ایم شعبہ خواتین کی انچارج اور ممبر قومی اسمبلی محترمہ کشور زہرہ و دیگر نےٍ ہندوکمیونٹی سے تعلق رکھنے والی مستحق خواتین میں راشن،مہندی ،چوڑیاں اور چراغ سمیت دیگراشیاء تقسیم کی گئیں۔اس سلسلے میں خدمت خلق فاؤنڈیشن کے مرکزی دفاترواقع فیڈرل بی ایریامیں تقریب منعقد کی گئی جس میں ہندو کمیونٹی سے تعلق رکھنے والی ماؤں،بہنوں اوربچیوں نے بہت بڑی تعدادمیں شرکت کی ،تقریب میں ایم کیوایم شعبہ اقلیتی امور ارکان گردھاری لال،محترمہ منگلاشرما، شعبہ خواتین کی ارکان ڈاکٹر فوزیہ حمید،فرحت جہاں،نورجہاں زیدی، شاہانہ اشعراور شاہد نثارنے خصوصی طور پر شرکت کی اور ہندو برادری کو قائد تحریک جناب الطاف حسین کی جانب سے دیوالی کی مبارکباد دیتے ہوئے ان میں راشن ،مہندی ،چوڑیاں اورچراغ سمیت دیگراشیاء تقسیم کی ۔اس موقع پرانہوں نے کہاکہ قائدتحریک الطاف حسین نے ہمیشہ بلاامتیاز رنگ و نسل،زبان اور مذہب انسانیت کی بنیادپرغریب ومستحق عوام کی بے لوث خدمت کادرس دیاہے اوریہی وجہ ہے کہ ماہ رمضان المبارک ہو یا عید الفطر، دیوالی ہو یا کوئی مذہبی تہوار انہوں نے غریب ومستحق افراد کو خوشیوں میں شامل کرنے کیلئے انکی بڑھ چڑھ کرمددکی ہے ۔انہوں نے کہا کہ قائد تحریک الطاف حسین کے گھرکے دروازے سب کیلئے کھلے ہیں اور پریشان حال لوگ ان کی دی ہوئی محبت وعقیدت سے فیضیاب ہورہے ہیں،نائن زیرو واحد در ہے جہاں تمام مذاہب کے تہوارمنائیں جاتے ہیں۔اس موقع پرہندوکمیونٹی کی خواتین نے دیوالی کے تہوارکے پرمسرت موقع پرراشن، مہندی، چوڑیاں ،چراغ اوردیگراشیاء کی تقسیم پرقائدتحریک جناب الطاف حسین کاتہہ دل سے شکریہ اداکیااوران کے حق میں دعائیں کیں۔