ایم کیوایم کے زیر اہتمام سانحہ سہراب گوٹھ 31 اکتوبر 1986ء کے شہداء کی 27 ویں برسی منائی گئی

کراچی:۔۔۔31، اکتوبر2013ء

متحدہ قومی موومنٹ کے زیراہتمام سانحہ 31 اکتوبر1986ء سہراب گوٹھ کے شہداء کی ستائیسویں برسی انتہائی عقیدت واحترام سے منائی گئی۔ اس سلسلے میں ایم کیوایم کی جانب سے آزادکشمیرسمیت ملک کے چاروں صوبوں میں قائم ایم کیوایم کے صوبائی، ضلعی، زونل دفاترمیں شہداء کے ایصال ثواب کیلئے قرآن خوانی وفاتحہ خوانی کے اجتماعات منعقد کیے گئے جس میں مقامی ذمہ داران ،کارکنان اور ہمدرد عوام نے بہت بڑی تعداد میں شرکت کی اورشہداء سانحہ سہراب گوٹھ کوزبردست خراج عقیدت وخراج تحسین پیش کیا۔برسی کامرکزی اجتماع لال قلعہ گراؤنڈ عزیزآباد میں ہواجس میں ایم کیوایم کی رابطہ کمیٹی کے ڈپٹی کنوینرانجینئرناصرجمال،اراکین رابطہ کمیٹی انیس احمد قائم خانی، عامرخان، سیدامین الحق، آنسہ ممتاز انوار، حق پرست اراکین سینیٹ،قومی وصوبائی اسمبلی، ایم کیوایم کے ونگز ومختلف شعبہ جات کے ذمہ داران،سیکٹرزویونٹ کمیٹیوں کے عہدیداران، کارکنان ،ہمدردوں اور شہداء کے عزیزواقارب نے شرکت کی۔مرکزی اجتماع میں انتہائی خشوع وخضوغ کے ساتھ سانحہ سہراب گوٹھ سمیت تمام حق پرست شہداء کی مغفرت،ان کے درجات کی بلندی ، سوگوار لواحقین کے صبرجمیل سمیت ملک وقوم کی بقاء وسلامتی،دہشت گردی وبدامنی کے خاتمے،کراچی سمیت ملک بھرمیں قیام امن اورایم کیوایم کی کامیابی سمیت قائد تحریک جناب الطاف حسین کی درازی عمرصحت و تندرستی کیلئے اجتماعی دعائیں کرائی گئی۔کراچی کی طرح اندرون سندھ حیدرآباد،میرپورخاص،نوابشاہ،سکھر،خیرپور، کھوٹکی، لاڑکانہ ،جیکب آباد ، کشمور، ٹھٹھہ، دادو، نوشہروفیروز،شکارپور، عمرکوٹ، قمبر شہداد کوٹ،سانگھڑ، بدین، ٹنڈوالہیار، جامشورو اسی طرح صوبہ پنجاب میں اپر پنجاب راولپنڈی، سینٹرل پنجاب لاہور، لوئر پنجاب ملتان،صوبہ بلوچستان میں کوئٹہ،نصیرآباد ،صوبہ خیبرپختونخواہ پشاور،ایبٹ آباداورگلگت ،بلتستان سمیت آزادکشمیرمیں مختلف مقامات پربرسی کے اجتماعات منعقد کیے گئے جس میں سانحہ سہراب گوٹھ کے شہداء کے ایصال ثواب کیلئے قرآن خوانی وفاتحہ خوانی کی گئیں اورشہداء کی بے مثال خدمات پرانہیں زبردست خراج عقیدت وسلام عقیدت پیش کیا گیا۔