ایم کیوایم ملیرسیکٹرکے کارکن معین الدین جنیدی کی گرفتاری پر ایم کیوایم کی را بطہ کمیٹی کااظہارمذمت

 ایم کیوایم ملیرسیکٹرکے کارکن معین الدین جنیدی کی گرفتاری پر ایم کیوایم کی را بطہ کمیٹی کااظہارمذمت
 معین جنیدی اپنی اہلیہ کے ہمراہ حیدرآباد اپنی سسرال گئے تھے
 اس سے قبل بھی کئی کارکنوں کواسی طرح گرفتار کرکے ان کے خلاف منشیات جیسے جھوٹے مقدمات قائم کئے گئے ہیں،
 بعض کارکنان تاحال لاپتہ ہیں۔ رابطہ کمیٹی 
 معین الدین سمیت تمام لاپتہ اوراسیر کارکنوںکوفی الفوررہا کیا جائے اور گرفتاریوںکاسلسلہ بند کیا جائے۔ رابطہ کمیٹی

لندن  …  14  دسمبر 2022ئ
ایم کیوایم کی را بطہ کمیٹی نے ایم کیوایم ملیرسیکٹرکے کارکن معین  الدین جنیدی کی گرفتاری کی شدیدمذمت کی ہے ۔ اپنے بیان میں رابطہ کمیٹی نے کہاکہ معین الدین جنیدی اپنی اہلیہ کے ہمراہ اپنی سسرال ملاقات کے لئے لطیف آباد حیدرآباد گئے تھے اور اپنے سسر کی دکان پر بیٹھے ہوئے تھے کہ ایک کالے رنگ کی ویگو اورموٹرسائیکلوں پر سوار قانون نافذکرنے والے اداروں کے اہلکاروں نے دکان پر چھاپہ مارا اورمعین الدین جنید ی کو گاڑی میں ڈال کرلے گئے ۔ ان کے اہل خانہ نے مقامی پولیس اسٹیشن میں گرفتاری اورجبری گمشدگی کے بارے میں رپورٹ کی لیکن پولیس نے اس بارے میں لاعلمی کااظہارکیا۔ رابطہ کمیٹی نے معین الدین کی گرفتاری کی شدیدمذمت کرتے ہوئے کہاکہ ایم کیوایم کے خلاف برسوںقبل شروع کیاجانے والاریاستی آپریشن حکومت کی تبدیلی کے باوجود تاحال جاری ہے اورایم کیوایم کے بے گناہ کارکنوںکوگرفتارکرکے لاپتہ کیا جارہاہے ۔ اس سے قبل بھی کراچی اورحیدرآباد سے کئی کارکنوں کواسی طرح گرفتارکیاجاچکاہے اوران کے خلاف منشیات جیسے جھوٹے مقدمات قائم کئے گئے ہیں، بعض کارکنان تاحال لاپتہ ہیں۔ رابطہ کمیٹی نے مطالبہ کیاکہ معین الدین سمیت تمام لاپتہ اوراسیر کارکنوںکوفی الفوررہا کیا جائے اوربے گناہوںکی گرفتاریوںکاسلسلہ بند کیا جائے۔ 

٭٭٭٭٭