سرائیکی ہیلپ لائن کے چیئرمین اور ایم کیوایم کے ہمدرد نذیر تریلی کے قتل پر رابطہ کمیٹی کا اظہار مذمت
نذیر تریلی کا قتل شہر کا امن خراب کرنے کی سازش کا حصہ ہے، رابطہ کمیٹی
نذیر تریلی شہید کے لواحقین سے رابطہ کمیٹی کا اظہار تعزیت، شہید کی مغفرت کیلئے دعا
کراچی:۔۔۔28، اکتوبر2013ء
متحدہ قومی موومنٹ کی رابطہ کمیٹی نے سرائیکی ہیلپ لائن کے چیئرمین اورایم کیوایم کے ہمدردنذیرتریلی کو دہشت گردوں کی جانب سے فائرنگ کرکے شہید کرنے کی سخت ترین الفاظ میں مذمت کی ہے اورمطالبہ کیا کہ نذیرتریلی کے قتل کا نوٹس لیاجائے اوردہشت گرد عناصر کے خلاف سخت کارروائی کی جائے۔ ایک بیان میں رابطہ کمیٹی نے نذیرتریلی شہیدکے سوگوار لواحقین سے دلی تعزیت وہمدردی کااظہارکرتے ہوئے کہا کہ نذیر تریلی کا قتل شہرکا امن خراب کرنے کی سازش ہے جس کی جتنی بھی مذمت کی جائے کم ہے۔رابطہ کمیٹی نے دعاکی کہ اللہ تعالیٰ شہید نذیر تریلی کواپنی جواررحمت میں جگہ عطافرمائے سوگوارلواحقین کوصبر جمیل عطا کرے۔(آمین)