ایم کیوایم اورنگی ٹاؤن سیکٹریونٹ118-B کے یونٹ انچارج محمداکرم صدیقی شہید غازی آباد قبرستان میں سپرد خاک

کراچی ۔۔۔25، اکتوبر2013ء 

اورنگی ٹاؤن میں جمعہ کی نمازکے بعدمسجدکے قریب مسلح دہشت گردوں کی فائرنگ سے شہیدہونیوالے متحدہ قومی موومنٹ اورنگی ٹاؤن سیکٹر یونٹ 118-Bکے یونٹ انچارج اور سابق یوسی ناظم محمداکرم صدیقی شہید کو سیکڑوں سوگواران کی آہوں اور سسکیوں کے درمیان غازی آباد قبرستان میں سپردخاک کردیا گیا اس سے قبل شہید کی نماز جنازہ بعد نمازمغرب غازی آباد مین روڈ پر ادا کی گئی۔ اکرم صدیقی شہید کی نمازجنازہ اورتدفین میں ایم کیوایم کی رابطہ کمیٹی کے ارکان سیدشاکرعلی اورکیف الوریٰ، حق پرست اراکین قومی وصوبائی اسمبلی محبوب عالم، سیف الدین خالد، محمد حسین، کراچی تنظیمی کمیٹی کے ارکان، اورنگی ٹاؤن سیکٹرکمیٹی کے عہدیداران،یونٹ کمیٹیوں کے ذمہ داران، کارکنان، ہمدردوں اور شہید کے عزیز و اقارب نے بہت بڑی تعداد میں شرکت کی اورشہید کو زبردست خراج عقیدت پیش کرتے ہوئے انکی مغفرت اور درجات کی بلندی سمیت سوگواران کے صبر و جمیل کیلئے فاتحہ خوانی ودعائیں کیں،اس موقع پرانتہائی رقت آمیز مناظر دیکھنے میں آئے جہاں ہرآنکھ آشکباراور فضا سوگوار تھی جبکہ شہید کا جسد خاکی جیسے ہی ان کی آخری آرام گاہ کی جانب لیجانے کیلئے اٹھایا گیا اس وقت کہرام مچ کیا اور اکرم صدیقی شہیدکی بیوہ، بچے، والدین، بھائی بہنیں اور دیگر عزیز خواتین شدت غم سے نڈھال تھی جنہیں موقع پر موجودایم کیوایم کے ذمہ داران نے دلاسہ دیا۔