حق پرست اراکین اسمبلی کی گورنر ہاؤس میں گورنر سندھ ڈاکٹر عشرت العباد اور وزیر بلدیات اویس مظفر سے ملاقات
حیدرآباد اور میرپور خاص کے حالاتِ زار، جگہ جگہ گندگی کے ڈھیر سمیت عوامی مسائل اور سرکاری اداروں کے ملازمین کی تنخواہوں کی عدم ادائیگی سے آگاہ کیا
دونوں شہروں کے مسائل کے حل کیلئے فی الفور سرکاری مشنری کو حرکت میں لاتے ہوئے مثبت اور ٹھوس اقدامات کئے جائیں، اراکین اسمبلی کا مطالبہ
حیدر آباد اور میرپور خاص کے مسائل کے حل اور سرکاری ملازمین کی تنخواہوں کی ادائیگی سمیت شہریوں کو ہر قسم کی سہولیات فراہم کی جائیں گی، گورنر سندھ ڈاکٹر عشرت العباد اور وزیر بلدیات کی یقین دہانی
کراچی:۔۔۔22؍اکتوبر2013ء
حیدر آباد اور میر پور خاص سے تعلق رکھنے والے حق پرست اراکین اسمبلی کی گورنر ہاؤس میں گورنر سندھ ڈاکٹر عشرت العباد اور وزیر بلدیات اویس مظفر سے ملاقات کی۔ ملاقات میں اراکین اسمبلی نے دونوں شہروں کی حالات زار، جگہ جگہ گندگی کے ڈیڑھ سمیت عوامی مسائل اور دونوں شہروں کے سرکاری اداروں کے ملازمین کی تنخواہوں کی عدم ادائیگی ا ور ملازمین میں پائی جانے والی بے چینی سمیت دیگر اہم مسائل کو تفصیلی سے آگاہ کیا اور مطالبہ کیا کہ حیدر آباد اور میر پور خاص کے مسائل کے حل کیلئے فی الفور سرکاری مشنری کو حرکت میں لاتے ہوئے مثبت اور ٹھوس اقدامات کئے جائیں۔ گور نر سندھ ڈاکٹر عشرت العباد اور وزیر بلدیات اویس مظفر نے حق پرست اراکین اسمبلی کی جانب سے دونوں شہروں کے حوالے سے مسائل کو توجہ سے سنا اور حیدر آباد اور میر پور خاص کے مسائل کے حل اور سرکاری ملازمین کی تنخواہوں کی ادائیگی سمیت شہریوں کو ہر قسم کی سہولیات فراہم کرنے کی یقینی دہانی کرائی۔