ایم کیوایم کے قائد الطاف حسین کا ممتاز صنعتکار اختیار بیگ کو فون، والدہ کے انتقال پر دلی تعزیت کا اظہار
کائنات میں ہر شے کا نعم البدل ہوسکتا ہے لیکن ماں وہ ہستی ہے کہ جس کا کوئی نعم البدل نہیں۔ الطاف حسین
لندن ۔۔۔ 20 اکتوبر2013ء
متحدہ قومی موومنٹ کے قائدجناب الطاف حسین نے ممتازصنعتکار اختیار بیگ کو فون کرکے ان سے ان کی والدہ کے انتقال پر دلی تعزیت کا اظہار کیا۔ اختیار بیگ سے فون پر تعزیت کرتے ہوئے جناب الطاف حسین نے کہا کہ کائنات میں ہر شے کا نعم البدل ہوسکتا ہے لیکن ماں وہ ہستی ہے کہ جس کا کوئی نعم البدل نہیں ہے اور جس کے جدا ہونے کا صدمہ ایسا تکلیف دہ عمل ہے جوانسان کو تمام عمر رنجیدہ رکھتا ہے۔ انہوں نے اختیار بیگ سے دلی تعزیت وہمدردی کا اظہار کیا اور دعا کی کہ اللہ تعالیٰ آپ کی والدہ مرحومہ کی مغفرت فرمائے،انہیں جنت الفردوس میں جگہ دے اورآپ اور تمام اہل خانہ کو صبر جمیل عطا کرے۔