ایم کیوایم کی رابطہ کمیٹی کے ڈپٹی کنوینرزکے ہمراہ اراکین رابطہ کمیٹی کاطارق گراؤنڈکادورہ
کراچی:۔۔۔17؍ اکتوبر2013ء
متحدہ قومی موومنٹ کی رابطہ کمیٹی کے ڈپٹی کنوینرزڈاکٹرخالدمقبول صدیقی،انجینئرناصرجمال کے ہمراہ اراکین رابطہ کمیٹی انیس احمدقائمخانی،حیدرعباس رضوی،احمدسلیم صدیقی ، سید امین الحق اورخدمت خلق فاؤنڈیشن کے چیف ٹرسٹی سینیٹراحمدعلی نے طارق گراؤنڈفیڈرل بی ایریامیں قائم خدمت خلق فاؤنڈیشن کے مرکزی کیمپ کاتفصیلی دورہ کیااورچرم قربان کرنے کے سلسلے میں جاری کاموں کاجائزہ لیتے ہوئے ان پراطمینان کااظہارکیا۔اس موقع پرایم کیوایم کے مختلف ونگزوشعبہ جات کے ارکان اورخدمت خلق فاؤنڈیشن کے رضا کاربھی ان کے ہمراہ تھے۔رابطہ کمیٹی کے ارکان نے موقع پرموجودذمہ داران ورضاکاروں سے جمع ہونیوالے کھالوں کومحفوظ بنانے اورانہیں ٹرکوں سے اتارنے کے کاموں کے طریقہ کارکے حوالے سے مکمل آگاہی حاصل کی اورکھالوں جمع کرکے انہیں محفوظ بنانے کے کاموں میں دن رات مصروف عمل خدمت خلق فاؤنڈیشن کے رضاکاروں اورایم کیوایم کے کارکنان کوقائدتحریک الطاف حسین کی جانب سے شاباش اورخراج تحسین پیش کیا۔