Home  Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

میری تمنایہی ہے کہ پاکستان مسائل کی دلدل سے نکلے اورترقی یافتہ ممالک کی صف میں آجائے۔الطاف حسین


میری تمنایہی ہے کہ پاکستان مسائل کی دلدل سے نکلے اورترقی یافتہ ممالک کی صف میں آجائے۔الطاف حسین
 Posted on: 10/18/2013
میری آرزو اورچاہت یہی ہے کہ ملک کوکرپشن ، لوٹ مار، چوری چکاری اورجرائم سے پاک کردیا جائے ، ملک میں امن قائم ہو، ملک سے غربت وبیروزگاری کا خاتمہ ہو، تعلیم عام ہو معاشی واقتصادی نظام بہترہو
میں فرسودہ جاگیردارانہ نظام کے ظلم کی چکی میں پسنے والے مظلوم لوگوں کے حقوق کیلئے جدوجہدکررہاہوں
انقلاب کی تکمیل میں جتنی دیر لگ رہی ہے ،جب اللہ تعالیٰ تحریک کواس کی منزل پر پہنچائے گااورانقلاب آئیگاتواس انقلاب کے نتیجے میں آنے والی ترقی وخوشحالی کا دورانیہ بھی طویل ہوگا
کراچی میں خدمت خلق فاؤنڈیشن کے مرکزی کیمپ پر رضاکاروں اورتحریکی ذمہ داروں سے گفتگو

لندن ۔۔۔ 18 اکتوبر2013ء
متحدہ قومی موومنٹ کے قائدجناب الطاف حسین نے کہاہے کہ میری تمنا، آرزو اورچاہت ہے تو یہی کہ پاکستان مسائل کی دلدل سے نکلے، ملک کوکرپشن ، لوٹ مار، چوری چکاری اورجرائم سے پاک کردیاجائے،ملک میں امن قائم ہو، ملک سے غربت وبیروزگاری کا خاتمہ ہو، تعلیم عام ہو معاشی واقتصادی نظام بہترہواورپاکستان ترقی یافتہ ممالک کی صف میں آجائے۔ انہوں نے یہ بات آج کراچی میں خدمت خلق فاؤنڈیشن کے مرکزی کیمپ پر رضاکاروں اورتحریکی ذمہ داروں سے گفتگو کرتے ہوئے کہی۔جناب الطاف حسین نے کہاکہ میں 22سال سے جلاوطن ہوں اوراپنے ساتھیوں سے جسمانی طورپردور ہوں لیکن آج تک ایسا لگتاہی نہیں کہ میں ساتھیوں سے دورہوں،ساتھیوں کے جذبے اورلگن میں کوئی کمی نہیں آئی ،وہ ساتھی جو میرے لندن آنے کے بعد پیداہوئے جنہوں نے مجھے دیکھا تک نہیں ان کے جذبے اوراپنے قائدسے محبت بھی کسی سے کم نظرنہیں آتی۔ ان 22برسوں کے دوران تحریک پر کئی بار کڑی آزمائشوں کے دورآئے لیکن تمام ترآزمائشوں کے باوجود میرے ساتھیوں کے حوصلوں، جوش وجذبے اورہمت میں کوئی کمی نہیں آئی بلکہ اضافہ ہی ہوااورتمام ساتھی سینئراورجونیئر کی تفریق کئے بغیرایک آوازہوکرتحریک کی بقاء اورسلامتی کیلئے کندھے سے کندھا ملاکر ہر کڑی آزمائش کے سامنے ڈٹ گئے۔جناب الطاف حسین نے کہاکہ تحریک کی 35سالہ جدوجہد کے دوران بڑے بڑے لوگوں نے اپنی طاقت اوراقتدارکے زعم میں غروروتکبر کامظاہرہ کرتے ہوئے ایم کیوایم کے خاتمے کے دعوے کئے لیکن اللہ تعالیٰ کافضل ہے کہ ایم کیوایم کے شہیدوں کی قربانیوں اورساتھیوں کی ثابت قدمی کی بدولت ایم کیوایم نہ صرف آج بھی قائم ہے بلکہ اس کادائرہ کراچی سے نکل کرملک کے چپے چپے تک پھیل گیاہے۔جناب الطاف حسین نے کارکنوں سے کہا کہ وہ اللہ کے انصاف پر یقین رکھیں،انقلاب کی

تکمیل میں جتنی دیر لگ رہی ہے ، جدوجہدجتنی طویل ہورہی ہے اوراللہ تعالیٰ جتنی آزمائشیں لے رہاہے ،جب وہ تحریک کواس کی منزل پر پہنچائے گااورانقلاب آئیگا تواس انقلاب کے نتیجے میں آنے والی ترقی وخوشحالی کا دورانیہ بھی اتناہی طویل ہوگااورایک وقت آئیگاکہ جب ایم کیو ایم کافکروفلسفہ پاکستان سے نکل کرپوری دنیامیں پھیل جائے گا۔ جناب الطاف حسین نے کہاکہ میری تمنا، آرزو اورچاہت ہے تو یہی کہ پاکستان مسائل کی دلدل سے نکلے، ملک کوکرپشن ، لوٹ مار، چوری چکاری اورجرائم سے پاک کردیا جائے، ملک میں امن قائم ہو، ملک سے غربت ،بیروزگاری کاخاتمہ ہو، ملک کے معاشی واقتصادی نظام میں بہتری آئے،لوگوں کوروزگارملے، تعلیم عام ہو اور غریبوں کی حالت بہترہواوراپنے باصلاحیت نوجوانوں سمیت پوری قوم کی محنت وجدوجہدسے پاکستان ترقی یافتہ ممالک کی صف میں آجائے ۔ ہمیں یقین ہے کہ ایساضرورہوگااورایم کیوایم کے پرچم تلے ہوگا۔انہوں نے کہاکہ میں حقوق سے محروم اورفرسودہ جاگیردارانہ نظام کے ظلم کی چکی میں پسنے والے مظلوم لوگوں کے حقوق کیلئے جدوجہدکررہاہوں اورمجھے یقین ہے کہ چاہے کتنی ہی مشکلات، صبرآزما حالات اورآزمائشیں آئیں ، اللہ کی تائیدوحمایت ،شہیدوں کی قربانیوں،ساتھیوں کی ثابت قدمی اورماؤں بہنوں بزرگوں کی دعاؤں سے ہم اپنی جدوجہدمیں ضرور کامیاب ہونگے۔
10/27/2026 4:01:32 PM