ڈیفنس کے علاقے میں طالبہ کو زیادتی کا نشانہ بنانے کے واقعہ پر ایم کیوایم رابطہ کمیٹی کا اظہار مذمت
معصوم بچیوں سے زیادتی کے واقعات اسلامی معاشرے پر بد نما داغ ہیں، رابطہ کمیٹی
تیزی سے بڑھتے ہوئے زیادتی کے واقعات سے پوری قوم فکر مند ہے اور ان میں شدید غم و غصہ پایا جاتا ہے
زیادتی کا نشانہ بننے والی معصوم طالبہ سے رابطہ کمیٹی کا اظہار ہمدردی
حکومت معصوم بچی سے زیادتی میں ملوث درندہ صفت عناصر کو گرفتار کرکے عبرتناک سزا دے، رابطہ کمیٹی کا مطالبہ
کراچی۔۔۔۔11اکتوبر2013ء
متحدہ قومی موومنٹ کی رابطہ کمیٹی نے کراچی کے علاقے ڈیفنس میں معصوم طالبہ کے ساتھ زیادتی کی سخت ترین لفاظ میں مذمت کی ہے اورمطالبہ کیاہے کہ زیادتی میں ملوث درندہ صفت عناصرکوگرفتارکرکے عبرتناک سزادی جائے۔ ایک بیان رابطہ کمیٹی نے کہاکہ معصوم بچیوں سے زیادتی کے واقعات اسلامی معاشرے پربدنماداغ ہیں جن میں ملوث درندہ صفت عناصرکسی بھی صورت رعایت کے مستحق نہیں۔رابطہ کمیٹی نے مزید کہا کہ زیادتی کے واقعات میں تیزی سے ہونیوالے اضافے سے شہریوں میں شدیدغم وغصہ پایا جارہا ہے جبکہ ان واقعات سے سے پوری قوم فکرمند نظرآتی ہے۔ رابطہ کمیٹی نے زیادتی کانشانہ بننے والے معصوم طالبہ سے دلی ہمدردی کااظہارکرتے ہوئے کہا کہ دین اسلام میں خواتین کوقدراور عزت کامرتبہ حاصل ہے ۔رابطہ کمیٹی نے کہاکہ یہ ہماری بدنصیبی ہے کہ ملک میں قانون ہوتے بھی اس پرعمل نہیں کیاجاتا اوریہ ہی وجہ ہے کہ خواتین خصوصاً معصوم بچیوں سے زیادتی کے مرتب افراد قانون کی گرفت میں نہیں آپاتے۔رابطہ کمیٹی نے گورنر سندھ ڈاکٹرعشرت العباد اور وزیر اعلیٰ سندھ سید قائم علی شاہ سے مطالبہ کیا کہ معصوم طالبہ سے زیادتی میں ملوث درندہ صفت عناصر کو فی الفور گرفتار کیا جائے اور انہیں ملک میں رائج قانون کے مطابق سخت سے سخت سزادی جائے۔