شہید ہونے والے ایم کیوایم کے کارکنان کو سینکڑوں آہوں اور سسکیوں کے درمیان علیحدہ علیحدہ مقامی قبرستان میں سپرد خاک کردیا گیا
تدفین میں ایم کیوایم کی رابطہ کمیٹی کے رکن اسلم آفریدی، حق پرست ارکان اسمبلی، پی ایس او سی، پی او سی کے ذمہ داران، مقامی سیکٹر و یونٹ کمیٹیوں کے عہدیداران، کارکنان اور شہداء کے عزیز و اقارب نے شرکت
کراچی: 10اکتوبر2013ء
گزشتہ دنوں مسلح دہشت گردوں کی فائرنگ سے شہید ہونے والے ایم کیوایم کورنگی سیکٹر ہزارہ یونٹ 7کے انچارج سعید بنگش، کارکن راجہ کامران سینکڑوں سوگواران کی آہوں اورسسکیوں کے درمیان کورنگی نمبر 1 قبرستان اور اورنگی ٹاؤن کے شہید کارکن سلیم الدین اورنگی ٹاؤن نمبر14-Cکے قبرستان میں سپردخاک کردیا گیا۔ شہدا کی نمازجنازہ بعد نماز عصر جامع مکی مسجد کورنگی نمبر ڈھائی جبکہ شہید سلیم الدین کی نمازجنازہ بعد نمازظہر میں ادا کی گئی۔ شہداء کی نمازجنازہ اورتدفین میں ایم کیوایم کی رابطہ کمیٹی کے ارکان اسلم آفریدی،حق پرست ارکان اسمبلی محبوب عالم ،وقار حسین شاہ، محمد حسین ،کراچی تنظیمی کمیٹی کے ارکان، پی ایس او سی ،پی او سی کے ذمہ داران،کورنگی و اورنگی ٹاؤن سیکٹرزویونٹس کمیٹیوں کے عہدیداران،کارکنان ،ہمدردوں اورشہداء کے عزیزواقارب نے بڑی تعدادمیں شرکت کی۔