پشاوررنگ روڈپربم دھماکہ پرایم کیوایم کے قائدجناب الطاف حسین کااظہارمذمت

لندن:۔۔۔10، اکتوبر2013ء 

متحدہ قومی موومنٹ کے قائد جناب الطاف حسین نے دہشت گردوں کی جانب سے پشاورکے علاقے رنگ روڈپردھماکہ کرکے پولیوٹیم کی حفاظت پرمامورلیویزاہلکاروں سمیت متعددشہریوں کونشانہ بنانے کی شدیدالفاظ میں مذمت کی ہے اوراسے کھلی دہشت گردی قراردیتے ہوئے مطالبہ کیاکہ دھماکے میں ملوث دہشت گردوں کوگرفتارکرکے عبرتناک سزا دی جائے۔ ایک بیان میں جناب الطاف حسین نے کہاکہ دہشت گرداپنے مذموم مقاصدکی تکمیل کیلئے معصوم شہریوں،عبادتگاہوں،بزرگان دین کے مزارت اورسیکوریٹی اہلکاروں کوتسلسل کے ساتھ نشانہ بنارہے ہیں تاکہ ملک کوغیرمستحکم کیاجاسکے۔انہوں نے بم دھماکے میں زخمی ہونیوالے افرادسے دلی ہمدردی کااظہارکیااوران کی جلدومکمل صحت یابی کیلئے دعاکی۔ جناب الطاف حسین نے وزیراعظم پاکستان میاں محمد نواز شریف ، وفاقی وزیر داخلہ چوہدری نثار علی خان ، گورنرخیبرپختونخوااور وزیراعلیٰ پرویزخٹک سے مطالبہ کیا کہ پشاور بم دھماکے کانوٹس لیاجائے ،دھماکے زخمیوں کوعلاج معالجے کی سہولیات فراہم کی جائیں اوردھماکہ میں ملوث سفاک دہشت گردوں کو فی الفور گرفتار کرکے قانون کے مطابق سزا دی جائے ۔