شہرِقائدمیں جرائم کی وارداتوں میں تیزی سے اضافے پرحق پرست اراکین سندھ اسمبلی کااظہارِمذمت

کراچی:۔۔۔9، اکتوبر2013ء

حق پرست اراکین سندھ اسمبلی نے شہرِقائدمیں جرائم پیشہ مسلح ملزمان کے ہاتھوں شہریوں سے قیمتی سامان لوٹ ماراوردیگرجرائم کی وارداتوں میں تیزی سے اضافے کی سخت ترین الفاظ میں مذمت کی ہے اوراسے پولیس وانتظامیہ کی نااہلی وناکامی قراردیتے ہوئے مطالبہ کیاکہ کراچی کے شہریوں کوجان ومال کاتحفظ فراہم کیا جائے ۔ اپنے ایک مشترکہ بیان میں حق پرست اراکین سندھ اسمبلی نے کہاکہ عیدالاضحی سے قبل شہر میں لوٹ مارکی وارداتوں میں ہوش ربا اضافہ دیکھنے میںآرہاہے جس کے باعث شہری اہم شاہراہوں پردن دھاڑے اپنے قیمتی سامان زیورات،نقدرقم ،موبائل فون اوردیگراشیاء سے محروم کئے رہے ہیں اورکوئی انہیں تحفظ فراہم کرنیوالا نہیں ۔ انہوں نے کہاکہ ایک جانب قانون نافذ کرنے والوں اورپولیس کی جانب سے شہرمیں جرائم پیشہ عناصرکے خلاف ٹارگٹڈآپریشن جاری ہے جبکہ دوسری جانب قانون نافذکرنیوالے اداروں کے جاری ٹارگٹڈآپریشن کے باوجودکراچی کے پرچی مافیا،بھتہ خور،اغوابرائے تاوان اورقتل وغارتگری میں ملوث دہشت گرد آزادانہ کارروائیاں کررہے ہیں جس کے باعث شہری اپنی قیمتی اشیاء سے محروم ہو رہے ہیں۔انہوں نے کہاکہ شہرمیں قانون نافذکرنیوالے اداروں کے اہلکاروں کی بھاری اکثریت کے جرائم کی وارداتوں میں اضافہ لمحہ فکریہ ہے جوٹارگٹڈآپریشن اورقانون نافذ کرنے والوں کی کارکردگی پرسوالیہ نشان ہے۔حق پرست اراکین سندھ اسمبلی نے گورنر سندھ ڈاکٹرعشرت العباد اوروزیراعلیٰ سندھ سیدقائم علی شاہ سے مطالبہ کیاکہ عیدالاضحٰی سے قبل شہرمیں جرائم کی تیزی سے بڑھتی ہوئی وارداتوں کانوٹس لیاجائے اورلوٹ مار اوردیگرجرائم کی وارداتوں میں ملوث جرائم پیشہ عناصرکیخلاف سخت ترین کارروائی کرتے ہوئے شہریوں کوجان ومال تحفظ فراہم کیاجائے۔