جناب الطاف حسین کی ہدایت پر معذور افراد کے حقوق اور ان کی ایوانوں میں نمائندگی کا بل پیش کیاجارہا ہے ، محترمہ کشور زہرا

ڈس ایبلڈ ویلفیئر ایسوسی ایشن کے زیر اہتمام لگائے گئے فری کمپیوٹرائز آئی کیمپ کے دورے کے موقع پر گفتگو 

کراچی ۔۔۔27، ستمبر2013ء 

متحدہ قومی موومنٹ شعبہ خواتین کی انچارج و حق پرست رکن قومی اسمبلی کشور زہرا نے کہا ہے کہ قائد تحریک جناب الطاف حسین کی ہدایت پر معذور افراد کے حقوق اور ان کی ایوانوں میں نمائندگی کا بل پیش کیاجارہا ہے جبکہ ایم کیوایم اپنے طور پر معذور افراد کیلئے ایک شعبہ کا قیام عمل میں لابھی چکی ہے ۔ان خیالات کااظہار انہوں نے گزشتہ روز ڈس ایبلڈ ویلفیئر ایسوسی ایشن کے زیرا ہتمام لگائے گئے فری کمپیوٹرائزڈ آئی کیمپ کے دورے کے موقع پرگفتگو کرتے ہوئے کہی ۔ اس موقع پر ایم کیوایم شعبہ خواتین کی جوائنٹ انچارج محترمہ نائلہ لطیف بھی ان کے ہمراہ تھی ۔ فری آئی کیمپ میں 250افراد کی آنکھوں کا معائنہ کیا گیا اور 100افراد کو لیزر سرجری کیلئے تجویز کیا گیا ۔ اس موقع پر کشور زہرا نے کہا کہ قائد تحریک جناب الطاف حسین نے معذور افراد سمیت ہر طبقے کے حقوق کے حصول کو اپنی جدوجہد کا حصہ بنا رکھا ہے جس کے گواہ یہ PWD,sہیں ۔ انہوں نے کہا کہ ایم کیوایم کے ہر شعبے کا فرد PWD,sکا نگہباں اور دستِ بازو بنا ہوا ہے اور ان کی امیدوں کو مثبت سمت میں سنوار کر ان میں روشنی کی کرن پھونک رہا ہے ۔ایم کیوایم شعبہ خواتین کی جوائنٹ انچارج نائلہ لطیف نے اس موقع پر کہا کہ معذور افراد معاشرے کا کارآمد حصہ ہیں اور دوسروں کی بھی مدد کرنے کیلئے کوشاں دکھائی دیتے ہیں ۔ انہوں نے فری کمپیواٹرائزڈ آئی کیمپ کے انعقاد کو سراہا اور اس کاوش پر قائد تحریک جناب الطاف حسین کی جانب سے انہیں زبردست خراج تحسین پیش کیا ۔