پشاور چرچ بم دھماکے میں جاں بحق ہونیوالی ڈرگ روڈ کراچی کی رہائشی لڑکی مشل کی آخری رسومات اور تدفین میں متحدہ کے وفد کی شرکت

کراچی:۔۔۔26ستمبر2013ء

حق پرست رکن سندھ اسمبلی ارتضیٰ خلیل فاروقی،ایم کیوایم شعبہ اقلیتی امورکے انچارج عبدالاحدکے ہمراہ ایم کیوایم کے وفدنے سانحہ پشاور چرچ خودکش بم دھماکے میں جاں بحق ہونیوالی ڈرگ روڈشاہ فیصل کالونی کراچی کی رہائشی جواں سال لڑکی مشل دختررابرٹ کی آخری رسومات اورتدفین میں شرکت کی۔ایم کیوایم کے وفدمیں شعبہ اقلیتی امورکے ارکان روشن مکیش، الیاس کھوکھر، ایم کیوایم شاہ فیصل ٹاؤن ورکنگ کمیٹی کے ذمہ داران وکارکنان شامل تھے۔ اس موقع پرحق پرست رکن سندھ اسمبلی ارتضیٰ خلیل فاروقی نے چرچ بم دھماکے میں جاں بحق ہونیوالی لڑکی مشل کے سوگوارلواحقین اوردیگر عزیز اقارب سے ملاقات کرکے متحدہ قومی موومنٹ کے قائدجناب الطاف حسین کی جانب سے دلی تعزیت و ہمدردی کااظہارکرتے ہوئے سوگواران کوصبرجمیل کی تلقین کی ۔ اس موقع پرمرحومہ کے سوگواراہل خانہ نے دکھ اورافسوس کی گھڑی میں مسیحی برادری کاساتھ دینے پرایم کیوایم کے قائدجناب الطاف حسین اورایم کیوایم کاشکریہ اداکیا۔