پروفیسر غلام نبی پر فائرنگ قابل مذمت ہے، اے پی ایم ایس او

کراچی ۔۔۔۔26 ستمبر2013

آل پاکستان متحدہ اسٹوڈینٹس آرگنائزیشن کے چےئرمین و اراکین مرکزی کابینہ نے اسلامیہ کالج کراچی کے لیکچرار پروفیسر غلام نبی پر فائرنگ کی شدید الفاظ میں مذمت کرتے ہوئے کہا ہے کہ اساتذہ کرام کسی بھی قوم کی تشکیل میں تعمیری حیثیت رکھتے ہیں مگر قابل افسوس بات ہے کہ ہمارے ملک میں جہاں ایک عام شہری محفوظ نہیں وہاں اساتذہ و جیسے معزز و محترم طبقے کے ساتھ بھی اس قسم کے واقعات رونماں ہوتے رہتے ہیں۔انھوں نے کہا کہ گزشتہ دنوں کراچی کی سرکاری جامعہ میں چند غنڈہ عناصر کی جانب سے پروفیسر کو نقل نا کرانے کی پاداش میں تشدد کا نشانہ بنایا گیا تھا۔انھوں نے صدر پاکستان ،وزیر اعظم ،وزیر اعلیٰ سندھ اور گورنر سمیت دیگر متعلقہ حکام سے مطالبہ کیا ہے کہ وہ شہر میں اساتذہ اور طلباء کے ساتھ تواتر سے جاری ان واقعات کا فی الفور نوٹس لیکر ان واقعات میں ملوث درندہ صفت افراد کو عبرت ناک سزا دیں تاکہ آئندہ اس قسم کے واقعات کی بیخ کنی کی جاسکے۔ اس موقع پر مرکزی کابینہ نے پروفیسر غلام نبی کی جلد صحت یابی کے لیے بھی دعا کی۔