جناب الطاف حسین کی ہدایت پر بلوچستان کے زلزلہ متاثرین کیلئے مزیدایک اورٹرک امدادی سامان لیکرروانہ کردیاگیا۔
امدادی سامان فوج کے حوالے کردیاگیاجواپنے امدادی ٹرکوں کے ذریعے متاثرہ علاقوں میں پہنچادیں گے
جمعرات کی دوپہرروانہ ہونیوالے امدادی سامان سے لدے ٹرک میں خیمے،غذائی اجناس آٹا،چاول،دالیں،گھی،تیل،خشک دودھ
،چائے کی پتی،نمک،مصالحہ جات ،واٹرکولراوردیگرگھریلواشیاء شامل ہیں
کراچی۔۔۔26ستمبر2013ء
متحدہ قومی موومنٹ کے فلاحی ادارے خدمت خلق فاؤنڈیشن کی جانب سے قائد تحریک جناب الطاف حسین کی ہدایت پر بلوچستان میں زلزلہ متاثرین کی امدادکیلئے خدمت خلق فاؤنڈیشن کی جانب سے امدادی سامان اور غذائی اجناس پر مشتمل مزیدایک اورٹرک جمعرات کی دوپہرروانہ کیاگیا۔امدادی ٹرک رابطہ کمیٹی کے رکن وحق پرست رکن سندھ اسمبلی یوسف شاہوانی اوررکن سندھ اسمبلی ارتضی ٰ فاروقی نے خدمت خلق فاؤنڈیشن کے دیگرذمہ داران کے ہمراہ روانہ کیا۔امدادی سامان سے بھرے ٹرک میں50خیمے،راشن کے سینکڑوں پیکٹس جس میںآٹا ، چاول، خشک دودھ ، تیل ،گھی ،مصالحہ جات،کولر اور ضروریات زندگی کی دیگر اشیاء بڑی مقدار میں شامل ہیں۔ بعدازاںیہ امدادی سامان سے لدہ ٹرک پاک فوج کے حوالے کردیاگیاجواپنے امدادی ٹرکوں کے ذریعے متاثرہ علاقوں میں پہنچادیں گے۔