سابق صدر آصف زرداری کا ایم کیوایم کے قائد الطاف حسین کو فون، 60 ویں سالگرہ کی مبارکباد پیش کی
الطاف حسین نے بھی سابق صدر زرداری کیلئے خیرسگالی کے جذبات کا اظہار کیا
الطاف حسین اور سابق صدر آصف زردای کے مابین پاکستان کی موجودہ سیاسی و جغرافیائی صورتحال پر بھی تبادلہ خیال
دونوں رہنماؤں کا ملک کی موجودہ داخلی علاقائی صورتحال اور خطے کے حالات پر اپنی تشویش کا اظہار
ملک کو درپیش نازک صورتحال کے باعث باہمی احترام اور یکجہتی وقت کی اہم ضرورت ہے
الطاف حسین اور سابق صدر آصف زردای کا باہمی رابطے جاری رکھنے پر بھی اتفاق
لندن ۔۔۔17ستمبر2013ء
سابق صدرآصف زرداری نے متحدہ قومی موومنٹ کے قائدجناب الطاف حسین کوفون کرکے انہیں انکی 60 ویں سالگرہ کی مبارکبادپیش کی اور ان کیلئے نیک خواہشات کااظہارکیا۔ جناب الطا ف حسین نے بھی سابق صدرزرداری کیلئے خیرسگالی کے جذبات کااظہارکیا۔اس موقع پر جناب الطا ف حسین اور سابق صدرمملکت آصف زردای کے مابین پاکستان کی موجودہ سیاسی وجغرافیائی صورتحال پر بھی تبادلہ خیال ہوا۔ دونوں رہنماؤں نے ملک کی موجودہ داخلی علاقائی صورتحال اورخطے کے حالات پر اپنی تشویش کااظہارکیا۔ دونوں رہنماؤں نے اس امرپراتفاق کیاکہ ملک کودرپیش نازک صورتحال کے باعث باہمی احترام اوریکجہتی وقت کی اہم ضرورت ہے ۔ دونوں رہنماؤں نے باہمی رابطے جاری رکھنے پربھی اتفاق کیا۔