منتخب نمائندوں،عہدیداروں، کارکنوں اورہمدردوں کی اندھادھندگرفتاریوں کے خلاف آج ایم کیوایم کی جانب سے کراچی پریس کلب پر سہ پہرتین بجے پرامن احتجاجی مظاہرہ کیاجائے گا۔
کارکنان وہمدرد احتجاجی مظاہرے میں بڑی تعدادمیں شرکت کرکے اسے کامیاب بنائیں اور حکومتی مظالم کے خلاف پرامن طور پراپنااحتجاج رجسٹرکرائیں۔رابطہ کمیٹی
ایم کیوایم کوسیاسی انتقام کانشانہ بنانے کے خلاف ہرسطح پر پرامن احتجاج جائے گا۔ رابطہ کمیٹی
کراچی ۔۔۔13 ستمبر2013ء
متحدہ قومی موومنٹ کے منتخب نمائندوں،عہدیداروں، کارکنوں اورہمدردوں کی اندھادھندگرفتاریوں کے خلاف آج ایم کیوایم کی جانب سے کراچی پریس کلب پر سہ پہرتین بجے پرامن احتجاجی مظاہرہ کیاجائے گااو رایم کیوایم کوریاستی آپریشن کانشانہ بنانے کے خلاف پر امن احتجاج کیاجائے گا۔ دریں اثناء ایم کیوایم کی رابطہ کمیٹی نے اپنے بیان میں کارکنان وہمدردوں سے اپیل کی کہ وہ احتجاجی مظاہرے میں بڑی تعدادمیں شرکت کرکے اسے کامیاب بنائیں اور حکومتی مظالم کے خلاف پرامن طورپراپنااحتجاج رجسٹر کرائیں ۔ رابطہ کمیٹی نے کہاکہ حکومت جرائم پیشہ عناصر کے خلاف ٹارگٹڈآپریشن کی آڑمیں شہرمیں ایم کیوایم کے عہدیداروں ،کارکنوں اوراس کے ہمدردوں کوبڑے پیمانے پر گرفتارکررہی ہے اورانہیں جھوٹے مقدمات میں ملوث کیاجارہاہے جبکہ شہرمیں دہشت گردی کابازارگرم کرنے والے عناصرآج بھی آزادہیں ۔رابطہ کمیٹی نے کہاکہ ایم کیوایم کوسیاسی انتقام کانشانہ بنانے کے خلاف ہرسطح پر پرامن احتجاج جائے گا۔