قائد تحریک الطاف حسین نے نوجوانوں کو حوصلہ دیا کہ آج وہ اپنے حقوق کیلئے میدان عمل میں کار فرما ہیں

کراچی ۔۔۔6، ستمبر2013ء 

آل پاکستان متحدہ اسٹوڈینٹس آرگنائزیشن کے مرکزی جوائنٹ سیکریٹری عادل خان نے کہا ہے کہ اے پی ایم ایس او اپنے آغاز سے ہی طلباء کے حقوق کے حصول کی جدو جہد کرتی آرہی ہے۔ آج نوجوانوں کی بڑی تعداد اس جدو جہد کا حصہ ہے اور اپنے حقوق کے لیے آواز بلند کر رہی ہے۔ان خیالات کا اظہار انھوں نے اے پی ایم ایس او کی جانب سے سیکٹرسی اور سیکٹر ڈی میں منعقدہ جنرل ورکرز اجلاس میں کارکنان سے خطا ب کرتے ہوئے کیا ۔ انھوں نے کہاکہ قائد تحریک جناب الطاف حسین نے نوجوانوں کو وہ حوصلہ دیا ہے کہ آج وہ اپنے جائز حقوق کے حصو ل کے لیے میدا ن عمل میں کار فرما ہیں۔انھوں نے کہا کہ اے پی ایم ایس اوسندھ یونیورسٹیز بل کی شدید مخالفت کرتی ہے کارکنان صوبائی حکومت کی جانب سے منظور کیے جانے والے اس متعصب بل کے متعلق دیگر طلباء کو آگہی فراہم کریں ۔اس موقع پر اے پی ایم ایس اوکی مرکزی کابینہ کے رکن احمر فلسطینی،عدیل ملک،انجینئر فیضان شیخ یونٹ و سیکٹر ز کے ذمہ داران و کارکنان کی بڑی تعداد موجو د تھی ۔ انھوں نے کارکنان کو تلقین کی کہ وہ نوجوانوں کو ملک کی سنگین صورتحال سے متعلق آگہی فراہم کریں اور اپنی تعلیم کے حصول پر بھر پور توجہ دیں۔