باچا خان پل کے قریب مسلح دہشتگردوں کی جانب سے کراچی یونیورسٹی کے پوائنٹ میں طلبہ و طالبات سے لوٹ مار اور دستاویزات چھیننے کے واقعہ پر ایم کیوایم رابطہ کمیٹی کااظہار مذمت

Posted on: 9/3/2013 1

شہر میں ہونے والا اپنی نوعیت کا یہ سنگین واقعہ صرف لوٹ مار کا ہی نہیں بلکہ علم کے حصول پر کاری ضرب ہے ، رابطہ کمیٹی ایم کیوایم
طلبہ و طالبات کے ساتھ پیش آنے والے لوٹ مار کے سنگین واقعہ سے سبق حاصل کیاجائے اور دہشت گردوں ، جرائم پیشہ عناصر اور بھتہ خوروں کے خلاف مثبت اور عملی نوعیت کے اقدامات بروئے کار لائے جائیں ، رابطہ کمیٹی ایم کیوایم
کراچی یونیورسٹی کی انتظامیہ متاثرہ طلبہ وطالبات کو دستاویزات کی فراہمی کیلئے بھر پور تعاون کرے ، ایم کیوایم رابطہ کمیٹی
کراچی ۔۔۔3، ستمبر2013ء
متحدہ قومی موومنٹ کی رابطہ کمیٹی نے باچا خان پل کے قریب مسلح دہشت گرد کی جانب سے کراچی یونیورسٹی کے پوائنٹ میں طلبہ وطالبات سے لوٹ مار اور دستاویز ات چھیننے کے واقعہ کی سخت ترین الفاظ میں مذمت کی ہے اورکہا ہے شہر کراچی میں ہونے والا اپنی نوعیت کا یہ سنگین واقعہ صرف لوٹ مار کا ہی نہیں بلکہ علم کے حصول پر کاری ضرب ہے ۔ ایک مذمتی بیان میں رابطہ کمیٹی نے کہا کہ کراچی یونیورسٹی کے پوائنٹ میں لوٹ مار کا واقعہ کراچی میں جاری بدامنی اور شورش کا شاخسانہ ہے ۔رابطہ کمیٹی نے کہاکہ کراچی میں حکومت سندھ اور انتظامیہ تاجروں ، صنعتکاروں ، دکانداروں ، ڈاکٹروں ، علمائے کرام اور دیگر شعبہ ہائے زندگی سے تعلق رکھنے والے افراد کی جان ومال کے تحفظ میں تو مکمل طور پر ناکام ہوہی چکی ہے لیکن اب شہر کے طلبہ و طالبات کے ساتھ مسلح افراد کی جانب سے باچا خان پل پر لوٹ مار اور دستاویزات چھین لینے کا واقعہ لمحہ فکریہ ہے اور اس بات کا ثبوت ہے کہ شہر کے عوام کو دہشت گردوں ، جرائم پیشہ عناصر اور بھتہ خوروں کے رحم و کرم پر چھوڑ دیا گیا اور ان کا کوئی پرسان حال نہیں ہے ۔ رابطہ کمیٹی کراچی یونیورسٹی کی انتظامیہ سے اپیل کی کہ وہ باچا خان پل پردہشت گردوں کی کی جانب سے طلبہ و طالبات سے لوٹی گئی یونیورسٹی کی دستا ویزات کی فراہمی کیلئے بھر پور تعاون کرے اور لوٹ مار کا شکار طلبہ و طالبات ذہنی اذیت اور مزید پریشانیوں سے بچانے کیلئے ہرممکن اقدامات بروئے کار لائے ۔ رابطہ کمیٹی نے وزیراعظم نواز شریف ، وفاقی وزیر داخلہ چوہدری نثار علی خان ، گورنر سندھ ڈاکٹر عشرت العباد اور وزیراعلیٰ سندھ سید قائم علی شاہ سے مطالبہ کیا کہ باچا خان پل کے قریب کراچی یونیوسٹی کے پوائنٹ میں طلبہ و طالبات سے لوٹ مار اور دستاویزات چھیننے کے واقعہ میں ملوث مسلح دہشتگردوں کو فی الفور گرفتار کیاجائے اور طلبہ وطالبات کے ساتھ پیش آنے والے اس واقعہ سے سبق حاصل کرتے ہوئے جرائم پیشہ عناصر ، دہشت گردوں اور بھتہ خوروں کے خلاف مثبت اور عملی نوعیت کے اقدامات بروئے کار لائیں ۔

4/30/2025 3:21:01 PM

پاکستان پر جنگ کے بادل منڈلارہے ہیں،ہمیں اس بات کی فکر کرنی چاہیے کہ ... 27 Apr 2025	پہلگام میں دہشت گردحملے کے واقعہ پر انڈیا کی جانب سے سندھ طاس معاہدہ م... 25 Apr 2025
پہلگام میں دہشت گردحملہ علاقائی امن اور خطے کی صورتحال کے لئے نہایت ... 23 Apr 2025	لاہورہائیکورٹ کاتین رکنی لارجربینچ ایم کیوایم کے بانی وقائدجناب الطاف... 21 Apr 2025
معروف ناول نگار، صحافی، شاعر اورادبی شخصیت ایچ اقبال کے انتقال پر ایم... 19 Apr 2025	پاکستان کی معاشی زبوں حالی اورکرنسی کی قدرمیں گراوٹ کی ذمہ داری کس پ... 18 Apr 2025
ریاست ماں ہوتی ہے، کیا ریاست کارویہ اپنے بچوں کے ساتھ ماں جیسا ہے؟.الط... 14 Apr 2025	گزشتہ تین روز کے دوران کراچی اورحیدرآباد سے ایم کیوایم کے دردرجن سے ... 13 Apr 2025
صدرآصف زرداری اوروزیراعظم شہبازشریف کراچی اورحیدرآباد میں ایم کیوایم ... 12 Apr 2025	ایک سازش کے تحت کوشش کی جارہی ہے کہ کراچی میں دوبارہ سے پرانی کہانیو... 12 Apr 2025