متحدہ قومی موومنٹ کے قائد جناب الطاف حسین کی جانب سے شعبہ "پرسن ود ڈس ایبلٹی "(PWD) کے زیر اہتمام لال قلعہ گراؤنڈ عزیز آباد میں عید ملن پارٹی اور میوزیکل پروگرام کا انعقاد، ایم کیوایم رابطہ کمیٹی کی شرکت

تصاویر
کراچی ۔۔۔25، اگست2013ء

ایم کیو ایم کے شعبہ"پرسن ود ڈس ایبلٹی"(PWD)کے زیر اہتمام گزشتہ روز لال قلعہ گراؤنڈ عزیز آباد میں ایم کیو ایم کے قائد جناب الطاف حسین کی جانب سے شعبہ کے کارکنان اور ذہنی اور جسمانی طور پر معذور افراد کے لئے عید ملن پارٹی منعقد ہوئی جس میں خصوصی افراد کیلئے میوزیکل پروگرام بھی پیش کیا گیا۔عید ملن پارٹی میں ایم کیو ایم کی رابطہ کمیٹی کے اراکین انیس احمدقائم خانی،سیدحیدرعباس ،واسع جلیل ، خالد سلطان اور اسلم آ فریدی نے شرکت کی۔ لال قلعہ گراؤنڈ میں منعقد ہونے والی عید ملن پارٹی اور میوزیکل پروگرام میں میں شہر بھر سے تعلق رکھنے والے خصوصی افراد کی بڑی تعدادموجود تھی جنہوں نے اپنی فنکارانہ صلاحیتوں کا مظاہرہ کیا اور ایم کیو ایم کے ترانے اور دلکش نغمے گا کر سماں باندھ دیا ۔ عید ملن پارتی میں نغمے اور ترانے پیش کرنے والے فن کاروں کو جناب الطاف حسین کی جانب سے تحائف پیش کئے گئے بعدازاں پروگرام کے اختتام پر تکلف عشایئے کااہتمام کیاگیا۔ عید ملن پارٹی کے شرکاء سے خطاب کرتے ہوئے مقررین نے کہا کہ قائد تحریک جناب الطاف حسین معاشرے کے خصوصی افراد کی فلاح اور بہبود اور ان حقوق کے لئے آواز اٹھاکر عملی جدوجہد کررہے ہیں اور انہیں معاشرے کا اہم حصہ سمجھتے ہیں جو نہ صرف خوش آئند بات ہے بلکہ دیگر سیاسی جماعتوں کے قائدین کیلئے قابل تقلید اور مثال بھی ہے ۔ انہوں نے ہر موقع پر خصوصی افراد کویاد رکھنے پر قائد تحریک جناب الطاف حسین کا شکریہ ادا کرتے ہوئے کہا کہ پاکستان کی تمام ہی سیاسی جماعتوں کے منشور میں خصوصی افراد کو کے حوالے سے بات کی گئی ہے لیکن ایم کیو ایم وہ واحد جماعت ہے جو کہ ہمارے لئے عملی طور پر کام کررہی ہے یہی وجہ ہے کہ ایم کیو ایم میں خصوصی افراد کے لئے ایک علیحدہ شعبہ قائم کیا گیا ہے ۔انہوں نے کہا کہ ایم کیو ایم اس شعبہ کے پلیٹ فارم سے ملک بھر کے خصوصی افراد کے لئے کام کررہی ہے تاکہ کسی بھی قسم کی معذوری سے دوچار افراد معاشرے کے کارآمد شہری بن کر باعزت روزگار کما سکیں اور ان کی معذوری کوان کی مجبوری نہ سمجھا جائے۔