ضمنی انتخابات میں ایم کیوایم کی شاندارکامیابی پر انٹرنیشنل سیکریٹریٹ لندن میں کارکنو ں کا جشن

لندن ۔۔۔ 23اگست 2013ء

گزشتہ روزضمنی انتخابات میں ایم کیوایم کی شاندارکامیابی پر ایم کیوایم انٹرنیشنل سیکریٹریٹ لندن میںیوکے یونٹ کے کارکنو ں نے جشن منایااورقائدتحریک جناب الطاف حسین کو مبارکبادپیش کی۔کارکنوں نے تحریک کی شاندارکامیابی پرفرط مسرت سے سرشارہوکر تنظیمی نغموں پر رقص کیا،ڈھول اوردف کی تھاپ پر بھنگڑے ڈالے ۔ کارکنوں نے ایم کیوایم اور اپنے قائد جناب الطاف حسین کے حق میں کافی دیرتک زوردار نعرے لگا کراپنی خوشی اورجوش وجذبہ کابھرپوراظہارکیا۔ رابطہ کمیٹی کے ارکان ایم کیوایم یوکے یونٹ کے کارکنوں نے گلے ملکر ایک دوسرے کوتحریک کی کامیابی پر مبارکبادپیش کی ۔اس موقع پرضمنی انتخابات میں ایم کیوایم کی شاندارکامیابی پر مٹھائی بھی تقسیم کی گئی۔