والدین کتنے ہی ضعیف کیوں نہ ہوجائیں ان کی موجودگی ہی بہت بڑا سہارا ہوتی ہے، الطاف حسین

لندن۔۔۔22، اگست2013ء

متحدہ قومی موومنٹ کے قائد جناب الطاف حسین نے رابطہ کمیٹی کے رکن اور حق پرست رکن سندھ اسمبلی ڈاکٹرصغیراحمد کو فون کرکے ان کے والد اکرام الدین احمد جمالوی کے انتقال پر تعزیت کی ۔ جناب الطاف حسین نے ڈاکٹر صغیراحمد سے کہاکہ والدین ، نعمت خداوندی ہوتے ہیں ۔ وہ خواہ کتنے ہی ضعیف کیوں نہ ہوجائیں ان کی موجودگی ہی بہت بڑا سہارا ہوتی ہے اور ان کی دعائیں ہرمشکل اور آزمائش سے نمٹنے میں تقویت اور سہارا فراہم کرتی ہیں۔ جناب الطاف حسین نے ڈاکٹر صغیر سے کہاکہ مجھے آپ اور آپ کے اہل خانہ کے دکھ کا احساس ہے، میں اور تحریک کے تمام ساتھی دعا گو ہیں کہ اللہ تعالیٰ آپ کو اس غم کو برداشت کرنے کا حوصلہ دے اور مرحوم کو اپنی جواررحمت میں بلندمرتبہ عطا فرمائے ۔(آمین)