ایم کیوا یم رابطہ کمیٹی کے وفودکی مختلف مکاتب فکر کے علماء کرام ،مشائخ عظام اور مذہبی مفکرین سے ملاقاتیں

کراچی ۔۔۔۔3جنوری2016ء

تیزی سے بدلتی ہوئی بین الاقوامی صورتحال اور سعودیہ عرب و ایران کے مابین کشیدگی کے پاکستان پر ممکنہ اثرات کے پیش نظرمتحدہ قومی موومنٹ کے قائد الطاف حسین کی خصوصی ہدایت پر رابطہ کمیٹی کے وفود نے اتوار کی شام مختلف مکاتب فکر و مسالک سے تعلق رکھنے والے علماء کرام ، مشائخ عظام اور مفکرین کرام سے ملاقاتیں کرکے موجوہ صورتحال میں عوام کے درمیان محبت و ہم آہنگی پیداکرنے کیلئے اہم کردار اداکرنے کیلئے ان سے اپیل کی۔اس موقع پر رابطہ کمیٹی رکن عارف خان ایڈوکیٹ نے معروف علما ء کرام علامہ فرقان حیدر ،آغا حسین مسعودی اور اہل تشیع عالم علی قرار نقوی سے جبکہ رکن رابطہ کمیٹی عبدالحسیب نے علامہ اسد دیو بندی ،حافظ محمد سلفی اورسنی علماء کونسل کے مرکزی رہنما علامہ اشرف گورمانی سے علیحدہ علیحدہ ملاقاتیں کی۔ملاقاتوں میں ملک کی موجودہ صورتحال بالخصوص سعودیہ عرب اور ایران کے مابین بڑھتی ہوئی کشیدگی کے حوالے سے ملک میں مختلف مکاتب فکر کے عوام کے درمیان بھائی چارے اور محبت کی فضاء کو قائم رکھنے کے حوالے سے مختلف امور پر تبادلہ خیال کیا گیا۔ اس موقع پر عارف خان ایڈوکیٹ کے ہمراہ حق پرست رکن صوبائی اسمبلی انور رضا اور عبدالحسیب کے ہمراہ علماء کمیٹی کے رکن ناصر یامین بھی و دیگر ذمہ داران شامل تھے۔وفودکے اراکین نے علماء کرام کو 4جنوری کی شام لال قلعہ گراؤنڈ عزیزآباد میں اتحاد بین المذاہب کے سلسلے میں ہونیوالے اہم اجلاس میں شرکت کی دعوت بھی دی۔