سابق حق پرست رکن قومی اسمبلی عابد علی امنگ کی والدہ کے انتقال پر جناب الطاف حسین کا اظہار تعزیت

کراچی ۔۔۔ 11، دسمبر 2015ء

متحدہ قومی موومنٹ کے سابق حق پرست رکن قومی اسمبلی عابد علی امنگ کی والدہ کے انتقال پر ایم کیو ایم کے قائد جناب الطاف حسین نے گہرے دکھ اور افسوس کا اظہار کیاہے۔ اپنے بیان میں جناب الطاف حسین نے کہا کہ عابد علی امنگ کی والدہ کے انتقال پر ان سمیت ایم کیو ایم کے تمام کارکن غمزدہ ہیں اور ان کے دکھ میں برابر کا شریک ہیں۔ جناب الطاف حسین نے بارگاہ الٰہی میں دعا کی کہ اللہ تعالیٰ سوگواران کو صبر جمیل اور یہ صدمہ برداشت کرنے کا حوصلہ اور مرحومہ کو جنت الفردوس میں اعلیٰ مقام عطاء فرمائے۔ اس موقع پر جانب الطاف حسین نے عابد علی امنگ سمیت مرحومہ کے تمام سوگواران سے دلی ہمدردی اور تعزیت کا اظہار کیا ہے۔